Dainik Maval News : गेली महिना दीड महिना संपूर्ण राज्यात चर्चेच्या केंद्रस्थानी असलेल्या मावळ विधानसभा निवडणुकीचा निकाल आता जवळपास निश्चित झाल्यात जमा आहे. महायुतीचे उमेदवार आणि विद्यमान आमदार सुनिल शेळके हे मावळची आपली जागा राखत असल्याचे चित्र सध्या दिसत आहे. तळेगाव येथे मावळ विधानसभेची मतमोजणी सध्या सुरु असून सुनिल शेळके यांनी 79,903 मतांची विजयी आघाडी त्यांना विजयाकडे घेऊन जाइल, असे चित्र दिसत आहे.
मावळात जवळपास 2 लाख 80 हजार मतदारांनी आपला कारभारी निवडण्यासाठी मतदान केले होते. यातील सध्या हाती आलेल्या माहितीनुसार एकूण 1 लाख 30 हजार 484 मतदारांनी सुनिल शेळके यांच्या पारड्यात आपले मतदान टाकले असून सुनिल शेळके यांचा विजय या मतांमुळे जवळपास निश्चित मानला जात आहे. सुनिल शेळके मावळमधून विजयी झाल्यास हा एक ऐतिहासिक विजय ठरणार आहे.
2019 च्या विधानसभा निवडणुकीत सुनिल शेळके यांनी तत्कालीन राज्यमंत्री बाळा भेगडे यांचा पराभव करीत मावळचा भाजपाचा गड उध्वस्त करीत घड्याळाची टीकटीक वाजविली होती. यानंतर आताच्या निवडणुकीतही सुनिल शेळके ह्यांचा विजय जवळपास निश्चित झाला असून सलग दोनदा ते मावळातून घड्याळाच्या चिन्हावर आमदार होतील, असे दिसतंय. असं झाल्यास मावळच्या राजकारणातील हा एक ऐतिहासिक विजय ठरेल. शेळके हे मावळचे पहिले आमदार असतील जे राष्ट्रवादीच्या घड्याळावर दोनदा आमदार होत आहेत.
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
अधिक वाचा –
– बापूसाहेब भेगडे विजयी झालेच तर ‘या’ पाच कारणांमुळे होणार, वाचा काय आहेत ते पाच मुद्दे । Maval Vidhan Sabha
– बापूआण्णा की सुनीलआण्णा, मावळात कुठल्या आण्णाचं पारडं ठरतंय जड ? पाहा काय आहे कौल । Maval Vidhan Sabha
– महत्वाची बातमी : निकाल ऐकायला तळेगावात येणाऱ्या कार्यकर्त्यांच्या पार्किंग व्यवस्थेत बदल, लगेच पाहा । Maval Vidhan Sabha
