Dainik Maval News : मावळ विधानसभा मतदारसंघात सुनिल शेळके यांचा दणदणीत विजय झाला आहे. मावळात महायुतीचे उमेदवार सुनिल शेळके यांच्या गळ्यात विजयाची माळ पडली असून शेळके यांनी अपक्ष उमेदवार बापूसाहेब भेगडे यांचा पराभव केला आहे. तळेगाव येथे मावळ मतदारसंघाची मतमोजणी पार पडली. नुकत्याच समोर आलेल्या माहितीनुसार सुनिल शेळके हे मावळ विधानसभा मतदारसंघातून विजयी झाले आहेत. सुनिल शेळके लाखाहून अधिकच्या फरकाने विजयी झालेत.
राज्यातील 288 विधानसभा मतदारसंघात आज मतमोजणी संपन्न होत आहे. मावळ मतदारसंघाची सकाळी 8 पासून मतमोजणी सुरु झाली. सुरुवातीपासून सुनिल शेळके हे प्रत्येक फेरीत आघाडीवर होते. शेळके हे शेवटपर्यंत आघाडीवर राहिल्याने त्यांच्या विजयाचा मार्ग सोपा झाला.
सुनिल शेळके यांनी मावळ विधानसभेतून ऐतिहासिक विजय साकारला आहे. पाच वर्षांत केलेल्या विकासकामांच्या जोरावर शेळके यांनी ही निवडणूक लढवली होती. महायुतीत झालेली बंडखोरी, पक्षात झालेली बंडखोरी, मविआने दिलेला धक्का या ना अशा अनेक प्रतिकूल गोष्टींना मागे टाकत शेळकेंनी निवडणूकीत विजयश्री खेचून आणली आहे. सुनिल शेळके यांच्या कार्यकर्त्यांकडून तालुक्यात जागोजागी जल्लोष सुरु आहे.
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअ‍ॅप चॅनेलवर )
अधिक वाचा –
– बापूसाहेब भेगडे विजयी झालेच तर ‘या’ पाच कारणांमुळे होणार, वाचा काय आहेत ते पाच मुद्दे । Maval Vidhan Sabha
– बापूआण्णा की सुनीलआण्णा, मावळात कुठल्या आण्णाचं पारडं ठरतंय जड ? पाहा काय आहे कौल । Maval Vidhan Sabha
– महत्वाची बातमी : निकाल ऐकायला तळेगावात येणाऱ्या कार्यकर्त्यांच्या पार्किंग व्यवस्थेत बदल, लगेच पाहा । Maval Vidhan Sabha
