Dainik Maval News : वडगाव नगर पंचायत तर्फे मंगळवारी (दि. १४ जुलै) रोजी ‘नमस्ते डे’ उत्साहात साजरा करण्यात आला. स्वच्छता कर्मचारी, कचरा वेचक व ड्रेनेज कामगार यांच्या आरोग्य, सुरक्षितता आणि सन्मानाच्या उद्देशाने या कार्यक्रमाचे आयोजन करण्यात आले.
या कार्यक्रमास मुख्याधिकारी डॉ. प्रवीण निकम, नगराध्यक्षा अबोली ढोरे, नगरसेवक अनंता कुडे, सुनिता ढोरे, आरोग्य अभियंता टेकचंद नेमाडे, कार्यालयीन अधीक्षक मनीषा चव्हाण व इतर अधिकारी व कर्मचारी वर्ग तसेच रोटरी क्लबचे अध्यक्ष प्रमोद दाभाडे, उपाध्यक्ष प्रसाद मुंगी, डॉ. नेहा कुलकर्णी व त्यांचे सहकारी उपस्थित होते. याशिवाय कचरा वेचक व ड्रेनेज विभागातील कामगार मोठ्या संख्येने कार्यक्रमास उपस्थित होते.
कार्यक्रमाअंतर्गत रोटरी क्लब ऑफ तळेगाव दाभाडे यांचे मार्फत आरोग्य तपासणी आणि धनुर्वात लसीकरण देण्यात आले, तसेच आयुष्मान कार्ड देण्यात आले. या उपक्रमामुळे स्वच्छता व ड्रेनेज कर्मचाऱ्यांच्या आरोग्य संरक्षणासह त्यांना शासकीय आरोग्य योजनांचा लाभ मिळण्यास मदत होणार आहे.
उपस्थित मान्यवरांनी स्वच्छता कर्मचारी व ड्रेनेज कामगार यांच्या कार्याचे कौतुक करून त्यांच्या सुरक्षितता, आरोग्य आणि कल्याणासाठी नगर पंचायत सातत्याने अशा लोकहितकारी उपक्रमांचे आयोजन करीत राहील, असा विश्वास व्यक्त केला. सदर कार्यक्रमप्रसंगी ६२ कर्मचाऱ्यांना लसीकरण देण्यात आले. कार्यक्रमाचे आयोजन संबंधित विभाग आणि रोटरी क्लब ऑफ तळेगाव दाभाडे संस्थेच्या सहकार्याने यशस्वीरीत्या पार पडले.
( दैनिक मावळचा व्हॉट्सअॅप चॅनेल जॉइन करण्यासाठी इथे क्लिक करा )
अधिक वाचा :
– अस्मानीनंतर सुलतानी फेरा… पाटण गाव रिकामं होताच चोरांनी १६ घरं फोडली; सोन्या-चांदीसह रोकड लंपास
– पाटण दरड दुर्घटना, लोणावळा शहरातील पूर यांसह मावळातील नुकसानग्रस्तांना मदत करा – आमदार सुनील शेळके
– डोंगर उशाला अन् धोका जीवाला! मावळ तालुक्यातील दरडप्रवण गावांत तातडीने उपाययोजना करणे आवश्यक
