Dainik Maval News : महावितरण कंपनी, वडगाव मावळ येथील शाखा अभियंता यांना वडगाव नगरपंचायतचे नगरसेवक अजय महेंद्र भवार यांच्या वतीने, वडगाव मावळ परिसरातील वारंवार होणारा वीजपुरवठा खंडित होणे, विजेचे पोल पडणे, तारा तुटणे तसेच लाईनमनची अपुरी संख्या याबाबत सविस्तर निवेदन देण्यात आले.
सध्या पावसाळा काळात नागरिकांना वारंवार वीजपुरवठा खंडित होण्याचा मोठा त्रास सहन करावा लागत आहे. याचा थेट परिणाम नगरपंचायतीच्या पाणीपुरवठ्यावर होत असून, अनेक भागांमध्ये नागरिकांना नियमित पाणीपुरवठा मिळत नाही. त्यामुळे या गंभीर समस्येवर तातडीने उपाययोजना करण्याची मागणी करण्यात आली.
निवेदनातील प्रमुख मागण्या :
१. वडगाव मावळ परिसरात लाईनमनची संख्या तातडीने वाढवावी.
२. पावसाळ्यात आपत्कालीन दुरुस्ती पथक कायम उपलब्ध ठेवावे.
३. पडलेले विजेचे पोल व तुटलेल्या तारा त्वरित दुरुस्त कराव्यात.
४. वारंवार खंडित होणारा वीजपुरवठा सुरळीत व नियमित ठेवण्यासाठी प्रभावी नियोजन करावे.
यावेळी नगराध्यक्षा अबोली ढोरे, नगरसेवक पंढरीनाथ ढोरे, अजय म्हाळसकर, गणेश म्हाळसकर, नगरसेविका सुनीता ढोरे, नगरसेविका पूनम भोसले, नगरसेविका रुपाली ढोरे, उद्योजक अतुल ढोरे आदी उपस्थित होते.
( दैनिक मावळचा व्हॉट्सअॅप चॅनेल जॉइन करण्यासाठी इथे क्लिक करा )
अधिक वाचा :
– अस्मानीनंतर सुलतानी फेरा… पाटण गाव रिकामं होताच चोरांनी १६ घरं फोडली; सोन्या-चांदीसह रोकड लंपास
– पाटण दरड दुर्घटना, लोणावळा शहरातील पूर यांसह मावळातील नुकसानग्रस्तांना मदत करा – आमदार सुनील शेळके
– डोंगर उशाला अन् धोका जीवाला! मावळ तालुक्यातील दरडप्रवण गावांत तातडीने उपाययोजना करणे आवश्यक
