Talegaon Dabhade : तळेगाव दाभाडे पोलिसांनी शुक्रवारी (दिनांक 26 एप्रिल) पहाटे कोम्बिंग ऑपरेशन केले. यामध्ये पोलिसांनी भल्या पहाटे 40 हिस्ट्रीशीटर, तडीपार आरोपींची चाचपणी करून त्यांच्याकडून बंधपत्र भरून घेतले. लोकसभा निवडणुका शांततेत आणि भयमुक्त वातावरणात पार पाडण्यासाठी तळेगाव दाभाडे पोलिसांनी कुरापती गुन्हेगारांची कुंडली काढली आहे. पोलिसांनी रेकॉर्डवरील गुन्हेगारांवर लक्ष ठेवले आहे. ( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअ‍ॅप चॅनेलवर )
दरम्यान, शुक्रवारी पहाटे तीन ते सहा या कालावधीत तळेगाव दाभाडे पोलिसांनी हद्दीत कोम्बिंग ऑपरेशन राबवले. कोम्बिंग ऑपरेशन मध्ये पोलिसांनी 40 गुन्हेगारांची झाडाझडती घेतली. त्या गुन्हेगारांकडून बंधपत्र भरून घेण्यात आले आहे. तळेगाव दाभाडे पोलिसांनी दोन संशयितांवर प्रतिबंधात्मक कारवाई केली. तसेच एकाकडून कोयता शस्त्र जप्त केले आहे. मतीन अकबर कुरेशी याला याप्रकरणी अटक करण्यात आली आहे. ( Pimpri Chinchwad Talegaon Dabhade Police Combing Operation )
पोलीस आयुक्त विनय कुमार चौबे, अपर पोलीस आयुक्त वसंत परदेशी, पोलीस उपायुक्त बापू बांगर, सहायक आयुक्त देविदास घेवारे यांच्या मार्गदर्शनाखाली ही कारवाई करण्यात आली. कोम्बिंग ऑपरेशन मध्ये वरिष्ठ पोलीस निरीक्षक किशोर पाटील यांच्यासह तीन अधिकारी, गुन्हे प्रगटीकरण (डीबी) पथकातील अधिकारी आणि 17 अंमलदारांनी सहभाग घेतला.
कोम्बिंग ऑपरेशन म्हणजे काय?
कोम्बिंग ऑपरेशन ही तशी लष्करी संज्ञा आहे. शत्रूचे कोणतेही लढाऊ शस्त्रे किंवा इतर संसाधने शोधण्यासाठी सैन्याने एखाद्या भागात ठरवून केलेली कारवाई असते. कोम्बिंग ऑपरेशनला स्वीप ऑपरेशन असेही म्हटले जाते. पोलिसांकडून सहसा लपलेल्या गुन्हेगारांचा शोध घेणे किंवा त्यांच्या शस्त्रसाठ्याचा शोध घेणे, यासाठी हे ऑपरेशन राबवले जाते. गुन्हेगारीला आळा घालण्यासाठी एखाद्या विभागात किंवा संपूर्ण शहरात हे ऑपरेशन राबवले जाते. शहरातील हॉटस्पॉट निश्चित करून आणि रेकॉर्डवरील गुन्हेगारांच्या यादीनुसार हे ऑपरेशन राबवले जाते.
अधिक वाचा –
– कै. सोपानराव ( आण्णा ) म्हाळसकर यांच्या स्मरणार्थ आज वडगावात सर्वपक्षीय श्रद्धांजली सभा । Vadgaon Maval
– राजकारणातील नवा ‘संजय’ छाननीत नापास ! मावळ लोकसभेसाठी दाखल 50 अर्जांपैकी 3 अर्ज बाद, वाचा सविस्तर
– कामशेत येथे इनोव्हा कारचा भीषण अपघात ! सामुदायिक विवाह सोहळ्याला निघालेल्या दोघींवर काळाचा घाला । Kamshet Accident
