Dainik Maval News : शिरगाव परंदवडी पोलीस ठाणे हद्दीतील शिरगांव आणि पुसाणे गाव हद्दीत पवना नदीच्या काठी अवैधरित्या गावठी हातभट्टीची दारू तयार करणाऱ्या अड्ड्यांवर पोलिसांनी छापे टाकून कारवाई केली. यात दोन महिला आरोपींवर गुन्हे दाखल करण्यात आले असून मुद्देमाल जप्त करण्यात आला.
पहिली कारवाई –
पहिली कारवाई रविवारी (दि.३ मे) दुपारी साडेतीनच्या सुमारास मौजे पुसाणे गावचे हद्दीत पवना नदीच्या जवळ ही कारवाई करण्यात आली. ज्यात महिला आरोपी हातभटटी दारू तयार करण्यासाठी लागणारे ८०० लीटर गुळ मिश्रीत कच्चे रसायन दारू असा एकूण २८ हजार ८०० रुपयेचा निषिद्ध माल बेकादेशीररित्या भिजत घालताना मिळुन. तसेच पोलिसांची चाहूल लागताच आरोपी महिला पळून गेली. याप्रकरणी पोलीस शिपाई दिलीप विश्वनाथ राठोड यांच्या फिर्यादीवरून शिरगाव ठाण्यात महाराष्ट्र दारुबंदी अधिनियम कलम ६५ ( क ) (फ) प्रमाणे गुन्हा दाखल करण्यात आला आहे.
दुसरी कारवाई –
दुसरी कारवाई रविवारी (दि. ३ मे) सायंकाळी सव्वा सातच्या सुमारास मौजे शिरगाव गावचे हद्दीत पवना नदीचे कडेला ही कारवाई करण्यात आली. ज्यात महिला आरोपी बेकायदेशीरपणे एकुन ८००० लीटर प्रत्येकी ३५ लिटर प्रमाणे, एकुण २ लाख ८० हजार रूपये किंमतीचे गावठी हातभट्टीची दारू तयार करण्याकरीता लागणारे गुळमिश्रीत कच्चे रसायन भिजवत घालताना मिळून आली. पोलीस शिपाई अतुल दिलीप चितारे यांनी दिलेल्या फिर्यादीवरून शिरगाव ठाण्यात महाराष्ट्र दारुबंदी अधिनियम कलम ६५ ( क ) (फ) प्रमाणे गुन्हा दाखल करण्यात आला आहे. पोहवा गिरीगोसावी हे अधिक तपास करीत आहेत.
( दैनिक मावळचा व्हॉट्सअॅप चॅनेल जॉइन करण्यासाठी इथे क्लिक करा )
अधिक वाचा :
– मुंबई-पुणे द्रुतगती मार्गावरील मिसिंग लिंकचे थाटात लोकार्पण ! “हा मिसिंग लिंक नव्हे तर कनेक्टिंग लिंक” – मुख्यमंत्री देवेंद्र फडणवीस
– बारावी बोर्ड परीक्षेचा निकाल जाहीर ! राज्याचा एकूण निकाल ८९.७९ टक्के, यंदाही मुलींचीच बाजी – पाहा सविस्तर निकाल
– शेतकऱ्यांनो… २० मे पूर्वी आपला फार्मर आयडी काढून घ्या, अन्यथा कृषी योजनांचा लाभ मिळणार नाही
– लोणावळा शहरातील पार्किंगची समस्या सुटणार, रेल्वे प्रशासन वाहनतळ विकसित करणार ; खासदार बारणे यांची माहिती
