धक्कादायक! मुळशी तालुक्यातील नामांकीत पैलवानाचा तालमीत सराव करत असताना हार्ट अटॅकने मृत्यू

कुस्तीविश्वातून धक्कादायक बातमी समोर येत आहे. पुण्यातील प्रसिद्ध कुस्तीपटू स्वप्निल ज्ञानेश्वर पाडाळे ( Wrestler Swapnil Padale ) याचे बुधवारी (दि. 8 मार्च) निधन झाले आहे. स्वप्निलने हृदयविकाराच्या झटक्याने जगाचा निरोप घेतला. स्वप्निल हा मामासाहेब मोहोळ कुस्ती संकुलनातील पैलवान होता. स्वप्निलच्या निधनाने कुस्तीविश्वावर शोककळा पसरली आहे. ( Pune Mulshi Taluka Wrestler Swapnil Padale Died Due To Heart Attack )

दैनिक मावळचा व्हॉट्सअ‍ॅप ग्रुप जॉइन करण्यासाठी इथे क्लिक करा

बुधवारी सकाळी साडे सातच्या सुमारास मुळशी तालुक्यातील मारुंजी येथील तालमीत व्यायाम करत असताना स्वप्निल पाडाळे (Swapnil Padale) याला हृदयविकाराचा तीव्र झटका आला. या झटक्यानंतर तो अचानक खाली पडला. त्याला जमिनीवर कोसळल्याचे पाहून इतर सहकाऱ्यांनी तातडीने रुग्णालयात दाखल केले. मात्र, त्यापूर्वीच त्याचे निधन झाले होते. विशेष म्हणजे, स्वप्निल हा ‘महाराष्ट्र चॅम्पियन’देखील होता. ( Pune Mulshi Taluka Wrestler Swapnil Padale Died Due To Heart Attack )