वडगाव मावळ शहरातील मुख्य रस्त्याचे काम गेल्या वर्षभरापासून सुरू आहे. दरम्यान रस्त्याच्या लगत असलेल्या स्थानिक टपरी धारकांना व छोट्या व्यवसायिकांना रस्ता रुंदीकरण करण्याच्या कारणास्तव कोणतीही पर्यायी जागा उपलब्ध न करुन देता तेथून उठवण्यात आले होते. त्यामुळे टपरी धारकांच्या उदरनिर्वास मोठी खिळ बसली. ( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअ‍ॅप चॅनेलवर )
गेल्या काही महिन्यांपासून टपरी धारक आपले आर्थिक नुकसान सोसून देखील मिळेल त्या जागेवरती व्यवसाय करून पोटाची खळगी भरत आहेत. मात्र वारंवार होणारे स्थलांतर थांबवून आपल्या हक्काची जागा मिळवण्यासाठी सर्व टपरी धारकांनी मनसे मावळ तालुका अध्यक्ष रुपेश म्हाळसकर, तसेच माजी उपनराध्यक्षा सायली म्हाळसकर यांची भेट घेऊन सविस्तर चर्चा केली. यावेळी टपरी धारकांच्या हक्काची जागा मिळून देण्यासाठी महाराष्ट्र नवनिर्माण सेना पक्ष हा पूर्ण ताकतीनिशी त्यांच्या पाठीशी उभा असेल अन्यथा रस्त्यावर उतरू असे आश्वासन म्हाळसकर यांनी दिले. ( Road widening in Vadgaon city causes loss of tapri businessmen )
अधिक वाचा –
– क्रिकेटपटू रवी शास्त्री यांच्या हस्ते वार्षिक क्रीडा महोत्सवाचे उद्घाटन । Khopoli News
– ‘सरनाईक’ इज बॅक! तळेगावच्या सीईओपदी पुन्हा विजयकुमार सरनाईक, एन.के. पाटलांची पिंपरी-चिंचवडमध्ये बदली
– तळेगावमधील सिंधुताई उद्योग केंद्रातील दिव्यांग व्यक्तींची इनरव्हील क्लबतर्फे आरोग्य तपासणी
