Dainik Maval News : वडगाव मावळ शहरातील पंचायत समिती चौक ते महादजी शिंदे उद्यान मुख्य रस्त्याचे रखडलेले काम त्वरित सुरू करा, अन्यथा साठलेल्या पाण्यात सार्वजनिक बांधकाम विभागाच्या अभियंत्यांना होडी-होडी खेळायला लावू , असा इशारा महाराष्ट्र नवनिर्माण सेनेकडून देण्यात आला आहे.
वडगाव शहरातील पंचायत समिती चौक ते महादजी शिंदे उद्यानापर्यंतच्या मुख्य रस्त्याचे सिमेंट काँक्रिटीकरणाचे काम रखडले आहे. त्यामुळे नागरिकासह वाहन चालकांची प्रचंड गैरसोय होत आहे. हे काम त्वरित मार्गी लावावे, अशी मागणी महाराष्ट्र नवनिर्माण सेनेने सार्वजनिक बांधकाम विभागाकडे केली आहे.
याबाबत माजी उपनगराध्यक्षा सायली म्हाळसकर, मनसेचे माजी तालुका अध्यक्ष रुपेश म्हाळसकर, तानाजी तोडकर, शहराध्यक्ष मच्छिंद्र मोहिते, संतोष म्हाळसकर, आदित्य म्हाळसकर, प्रणव म्हाळसकर, विकास साबळे, आकाश वारिंगे, सुरज भेगडे, गणेश म्हाळसकर, नवनाथ शिवेकर आदींनी सार्वजनिक बांधकाम विभागाचे उपअभियंता धनराज दराडे यांना निवेदन दिले.
वडगावातील लोकरे गॅरेज येथील रस्ता रुंदीकरणाचे काम अपूर्ण असल्याने तसेच त्या ठिकाणी असणाऱ्या नैसर्गिक ओढ्यामध्ये पावसाळ्यापूर्वी साफसफाई न झाल्यामुळे रस्त्यावर मोठ्या प्रमाणावर पाणी साचले आहे. येत्या चार दिवसांत कार्यवाही न झाल्यास तीव्र आंदोलन करण्याचा इशाराही देण्यात आला आहे.
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
अधिक वाचा –
– पावसाळ्यात फिरायला जायचंय? पुणे जिल्ह्यातील मावळ तालुका म्हणजे पावसाळ्यात स्वर्गच, ‘या’ ठिकाणांना नक्की भेट द्या
– महाराष्ट्र शक्तीपीठ महामार्गाला गती ! २० हजार ७८७ कोटींची तरतूद ; बारा जिल्ह्यांना जोडणारा ८०२ कि.मी. लांबीचा द्रुतगती मार्ग
– मावळ लोकसभा क्षेत्रातील पनवेल विमानतळ सप्टेंबरपासून सुरू होणार ; खासदार श्रीरंग बारणे यांची माहिती
– कार्यकर्ते हेच आमचे खरे बलस्थान, पुढील प्रत्येक निर्णय त्यांच्याच सल्ल्याने घेणार – आमदार सुनील शेळके
