जांभूळ ग्रामपंचायतीच्या उपसरपंच पदासाठी झालेल्या निवडणुकीत स्नेहल प्रशांत ओव्हाळ यांची बिनविरोध निवड झाली आहे. ग्रामपंचायतीच्या मावळत्या उपसरपंच कल्पना बाळासाहेब काकरे यांनी त्यांच्या पदाचा निश्चित केलेला कार्यकाळ पूर्ण केल्याने पदाचा राजीनामा दिला होता. त्यामुळे रिक्त झालेल्या उपसरपंच पदासाठी निवडणूक घेण्यात आली. ( मावळ, पिंपरी-चिंचवड, पुणे परिसरातील ताज्या अपडेट्ससाठी दैनिक मावळचा व्हॉट्सअॅप चॅनेल जॉईन करा )
सरपंच नागेश ओव्हाळ यांच्या अध्यक्षतेखाली झालेल्या सभेत बुधवारी ही निवडणूक प्रक्रिया राबवण्यात आली. यावेळी उपसरपंच पदासाठी स्नेहल प्रशांत ओव्हाळ यांचा एकमेव अर्ज दाखल झाला होता. त्यामुळे एकमेव अर्ज आसल्याने स्नेहल प्रशांत ओव्हाळ यांची उपसरपंचपदी बिनविरोध निवड जाहीर करण्यात आली. ग्रामसेविका लोखंडे मॅडम यांनी निवडणूक निर्णय अधिकारी म्हणून काम पाहिले. ( Snehal Oval Elected Unopposed Deputy Sarpanch Of Gram Panchayat Jambhul Maval )
सरपंच नागेश ओव्हाळ, मावळत्या उपसरपंच कल्पना काकरे, माजी उपसरपंच एकनाथ गाडे, माजी उपसरपंच कुंदा खांदवे, ग्रामपंचायत सदस्या तृप्ती जांभूळकर,रुपाली गायकवाड, रखाबाई भोईर, अमित ओव्हाळ तसेच ग्रामपंचायतीचे कर्मचारी यावेळी उपस्थित होते. यावेळी नवनिर्वाचित ग्रामपंचायत उपसरपंच स्नेहल प्रशांत ओव्हाळ यांचा ग्रामपंचायतीच्या वतीने सत्कार करण्यात आला.
अधिक वाचा –
– जुन्या मुंबई-पुणे महामार्गावर अभूतपूर्व वाहतूककोंडी, 5 किलोमीटरपर्यंत वाहनांच्या रांगा । Big Traffic Jam On Old Mumbai Pune Highway
– नागरिकांनो..पाणी जपून वापरा! पवना धरणातील पाणी आटू लागलंय, फक्त ‘इतक्या’ दिवसांचा जलसाठा शिल्लक । Pavana Dam
– ओवळे गावात मोफत आरोग्य तपासणी आणि मार्गदर्शन शिबिर संपन्न । Maval News
