Dainik Maval News : मावळ तालुका मराठी पत्रकार संघाच्या वतीने वडगाव मावळ येथे, माध्यम प्रतिनिधींना धमकाविणाऱ्या खासदार संजय दिना पाटील यांचा तीव्र निषेध करून त्यांच्यावर कारवाई करावी, अशी मागणी तहसीलदार विक्रम देशमुख, पोलीस प्रशासन यांना देण्यात आलेल्या निवेदनाद्वारे करण्यात आली आहे.
निवेदनात म्हटले आहे की, पत्रकार हे लोकशाहीचा चौथा स्तंभ असून समाजातील अन्याय, भ्रष्टाचार व जनतेच्या प्रश्नांना वाचा फोडण्याचे महत्त्वपूर्ण कार्य करतात. अशा पत्रकार बांधवांबाबत सत्तेतील लोकप्रतिनिधींकडून धमकीवजा वक्तव्ये व अवमानकारक भाषा वापरणे ही अत्यंत गंभीर बाब असून लोकशाही मूल्यांना बाधा पोहोचवणारी आहे.
खासदार संजय दिना पाटील यांनी पत्रकार बांधवांबाबत केलेल्या वक्तव्याचा महाराष्ट्रातील पत्रकार बांधवांच्या वतीने आम्ही तीव्र निषेध नोंदवत आहोत. लोकप्रतिनिधींकडून पत्रकारांशी सन्मानाने वागण्याची अपेक्षा असताना अशा प्रकारची भाषा वापरणे योग्य नाही. पत्रकार संरक्षण कायद्यानुसार पत्रकारांच्या सुरक्षिततेची जबाबदारी शासनाची आहे. त्यामुळे सदर प्रकरणाची तातडीने चौकशी करून संबंधितांवर योग्य ती कायदेशीर कारवाई करण्यात यावी, तसेच भविष्यात पत्रकारांना धमकी, दबाव किंवा अपमानास्पद वागणूक मिळणार नाही याची प्रशासनाने दक्षता घ्यावी अशी मागणी करण्यात आली.
यावेळी पत्रकार संघाचे तालुकाध्यक्ष सुदेश गिरमे, सचिव रामदास वाडेकर, कार्याध्यक्ष विशाल विकारी, जेष्ठ पत्रकार रमेश जाधव, निखिल कवीश्वर, विलास भेगडे, प्रकल्पप्रमुख गणेश विनोदे पत्रकार संघाचे अध्यक्ष मनोहर दाभाडे, रमेश कांबळे, चेतन वाघमारे, नितीन तिकोने, सतीश गाडे, तसेच रेश्मा फडतरे, शैलजा फुलकर, प्रभाकर तुमकर, संकेत जगताप, संजय हुलावळे, अतुल पवार, जगन्नाथ काळे, प्रफुल्ल ओव्हाळ, अंकुश दाभाडे, माऊली वाघमारे, अनिल घारे, राजेंद्र कांबळे, रामकुमार अग्रवाल, मनोज मोरे आदी उपस्थित होते.
( दैनिक मावळचा व्हॉट्सअॅप चॅनेल जॉइन करण्यासाठी इथे क्लिक करा )
अधिक वाचा :
– पावसाळी अधिवेशनात आमदार सुनील शेळके यांची तालिका अध्यक्षपदी नियुक्ती; मावळच्या नेतृत्वाचा राज्यस्तरीय गौरव
– Pawana Dam Rain : पवना धरण क्षेत्रात पावसाला सुरूवात; भातरोपाला मिळाली नवसंजिवनी, बळीराजा सुखावला
– Lonavala Rain : पर्यटननगरी लोणावळा शहरात मुसळधार सरी, २४ तासांत ९४ मि.मी. पावसाची नोंद
– मोठी बातमी ! इंद्रायणी नदीत बुडून २४ वर्षीय तरुणाचा दुर्दैवी मृत्यू
