लोणावळा शहराजवळ असलेल्या वरसोली गावात खाणीतील पाण्यात बुडून मुंबईतील दोन पर्यटकांचा मृत्यू झाल्याची दुर्दैवी घटना शनिवारी (दिनांक 8 जुलै) घडली. पाय घसरल्याने खाणीतील डोहात तीनजण बुडाले, त्यातील एकाला वाचवण्यात ग्रामस्थांना यश आले. परंतू उर्वरित दोन जणांचा या दुर्घटनेत मृत्यू झाला आहे.
दैनिक मावळचा व्हॉट्सअॅप ग्रुप जॉइन करण्यासाठी इथे क्लिक करा
प्राप्त माहितीनुसार, प्रियांक पानचंद व्होरा (वय 35) आणि विजय सुभाष यादव असे पाण्यात बुडून मृत्यू झालेल्या पर्यटकांची नावे आहेत. प्रियांक हा मुंबईच्या पवई परिसरातील रहिवासी आहे. तर विजय हा मुंबईच्या घटकोपर येथे वास्तव्यास होता. प्रियांक आणि विजय शनिवारी मित्रांसोबत लोणावळा येथे फिरायला आले होते. ( Two Youth Tourists From Mumbai Drowns at Varsoli Dam Lonavala )
नाकातोंडात पाणी शिरल्याने प्रियांक आणि विजयचा मृत्यू झाल्याचे वैद्यकीय तपासणीत उघडकीस आले. या प्रकरणी अकस्मात मृत्यू अशी नोंद लोणावळा पोलिसांनी केली आहे. घटनेची माहिती मृतांच्या नातेवाईकांना देण्यात आली असून दोघांचेही मृतदेह नातेवाईकांच्या ताब्यात देण्यात आले आहेत. याप्रकरणी स्थानिक पोलीस पुढील तपास करत आहेत.
अधिक वाचा –
– जिद्द, मेहनत आणि चिकाटी…आंदर मावळातील फळणे गावातील श्रुती मालपोटे बनली पोलिस उपनिरिक्षक
– कुंडमळ्याची ट्रीप पडली महागात! इंद्रायणीत वाहून गेलेल्या ‘ओमकारचा’ शोध सुरु, ‘हा’ शेवटचा Video होतोय Viral, पाहा
