Dainik Maval News : लोकशाही बळकट होण्यासाठी प्रत्येकाने मतदाराने मतदान करायला हवे, असा संकल्प घेवून पंचायत समिती मावळ च्या वतीने निवडणूक आयोगाच्या आवाहनानुसार तालुक्यातील शिरगाव येथील श्री साई मंदिर परिसरात मतदारांमध्ये जागृती करण्यात आली.
मतदानाचा टक्का वाढविण्यासाठी पंचायत समितीच्या वतीने हे अभियान राबविण्यात आले. गटशिक्षणाधिकारी सुदाम वाळुंज यांच्या मार्गदर्शनाखाली केंद्रप्रमुख अशोक मिसाळ आणि त्यांच्या सहकाऱ्यांनी सदरची जनजागृती केली. अभियानात मागील विधानसभा निवडणुकीमध्ये 50 टक्क्यांपेक्षा कमी मतदान झालेल्या केंद्रांवर विशेष लक्ष केंद्रित करण्यात आले आहे.
मतदानाचा टक्का वाढविण्यासाठी व निवडणूक आयोगाकडून मतदानाच्या दिवशी अपंग व वृद्ध मतदारांना पुरविण्यात येणाऱ्या सुविधांबाबत अभियानात माहिती देण्यात आली. मतदान करण्याबाबत मतदारांमध्ये जागृती करण्यात आली. अठरा वर्षांवरील नवमतदारांना मतदान करण्यासाठी प्रेरित करण्यात आले. – सुदाम वाळुंज, गटशिक्षणाधिकारी, मावळ
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
अधिक वाचा –
– पुसाणे गावच्या हद्दीत गावठी दारू अड्ड्यावर पोलिसांची कारवाई, महिलेवर गुन्हा दाखल । Maval Crime
– मावळ विधानसभा मतदारसंघातील उमेदवारांच्या खर्च तपासणीचे वेळापत्रक जाहीर – पाहा वेळापत्रक । Maval Vidhan Sabha
– श्री संत तुकाराम सहकारी साखर कारखान्याचा मोळी पूजन समारंभ सोमवारी पार पडणार । Maval News
