मराठा आरक्षणाचे नेते मनोज जरांगे पाटील हे लाखो मराठा बांधवांसह आरक्षणाच्या मागणीसाठी मुंबईकडे कूच करत आहेत. आज, मंगळवारी (दि. 23) त्यांचा मुक्काम पुण्यात होणार आहे. दरम्यान बुधवारी मराठ्यांचे हे भगवे वादळ मावळ तालुक्यातील लोणावळा शहराजवळ वाकसई इथे मुक्कामी असणार आहे. त्यापार्श्वभूमीवर मावळ तालुक्यातील मराठा बांधवांकडून जोरदार तयारी सुरु आहे. या दरम्यान कार्ला जवळील जगप्रसिद्ध वॅक्स म्युझियममध्ये एका मराठा तरुणाने मनोज जरांगे पाटील यांचा हुबेहुब मेनाचा पुतळा साकारला आहे. ( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
मनोज जरांगे पाटील यांच्या शरीर यष्टीचे मोजमाप घेऊन त्यानुसारच हुबेहुब ही 5 फूट 7 इंच उंचीची मेणाची प्रतिकृती साकारण्यात आली आहे. मराठा बांधव कलाकार अशोक म्हाळसकर यांनी तीन महिन्यांची मेहनत घेऊन हा पुतळा साकारला आहे. मनोज जरांगे हे स्वतः उद्या लोणावळ्यात येणार आहेत. त्यामुळे जरांगे पाटील स्वतः आपला पुतळा पाहायला येणार का ही उत्सूकता सर्वांना आहे. परंतू, याबाबत अद्याप कोणतीही स्पष्टता करण्यात आलेली नाही. मनोज जरांगे पाटील सारख्या संघर्ष योद्धांचे स्मरण कायम होत राहावे, यासाठी हा पुतळा साकरल्याचे शिल्पकार म्हाळसकर यांनी सांगितले.
अधिक वाचा –
– सिनेस्टाईल पाठलाग करून पकडली गाडी, एफडीएच्या धडक मोहिमेत 47 लाखांचा प्रतिबंधित साठा जप्त । Pune Crime News
– ‘मावळ तालुक्यात ज्या मराठ्यांच्या कुणबी नोंदी आढळून आल्यात त्यांची यादी ग्रामपंचायतीबाहेर लावावी’; राष्ट्रवादीचे तहसीलदारांना निवेदन
– मदतीचा हात! विठ्ठलवाडी जिल्हा परिषद शाळेतील 70 गरजू विद्यार्थ्यांना गणवेश वाटप । Dehu News
