तळेगाव दाभाडे नगरपरिषद आणि महिंद्रा अँड महिंद्रा कंपनी कान्हे यांच्या संयुक्त विद्यमाने दिनांक 13 सप्टेंबर 2023 रोजी माझी वसुंधरा अभियान 4.0 अंतर्गत स्टेशन परिसरात देशी प्रजातीच्या 105 वृक्षांची लागवड करण्यात आली. सदर वृक्ष लागवडीसाठी महिंद्रा अंड महिंद्रा कंपनीच्या वतीने कंपनीचे प्रशासकीय व्यवस्थापक शिवाजी झनझणे व त्यांचे सहकारी उपस्थित होते. ( 105 trees were planted in talegaon station area in association with Municipal Council and Mahindra Company )
महिंद्रा अँड महिंद्रा कंपनी आणि तळेगाव दाभाडे नगर परिषदेचा समन्वय ज्यांनी घडवून आणला आणि ज्यांचे माध्यमातून हा उपक्रम घडवून आला असे विद्याभूषण हे सदर उपक्रमासाठी सहकुटुंब उपस्थित होते. नगर परिषदेचे मुख्याधिकारी एन. के. पाटील. यांच्या मार्गदर्शनाखाली सदर उपक्रमाचे नियोजन करण्यात आले होते. सदर कार्यक्रमप्रसंगी नगर परिषदेच्या वतीने ममता राठोड उपमुख्याधिकारी, सुवर्णा काळे महिला व बालकल्याण विभाग प्रमुख, जयंत मदने मिळकत विभाग प्रमुख, विशाल मिंड अतिक्रमण विभाग, प्रवीण माने आवक-जावक विभाग प्रमुख, वृक्ष प्राधिकरण समिती सदस्य निलेश गराडे उपस्थित होते.
सदर कार्यक्रमाचे नियोजन उद्यान विभागामार्फत सिद्धेश्वर महाजन, उद्यान विभाग प्रमुख व त्यांचे सहकारी रणजीत सूर्यवंशी, आकाश निंबळे व त्यांची टीम द्वारे करण्यात आले. सदर कार्यक्रम समारोप प्रसंगी शिवाजी झनझने यांनी आपले मनोगत व्यक्त करत असताना वृक्ष लागवड व संगोपन काळाची गरज असल्याचे सांगितले. “वृक्षावली आम्हा सोयरी वनचरे” या पंक्तीस अनुसरून वृक्षांचा सुद्धा आपण आपल्या पाहुण्यांप्रमाणे आदर करावा असा संदेश आपल्या मनोगतातून दिला. नगर परिषदेचे आभार व्यक्त करत त्यांनी समारोप केला.
दैनिक मावळचा व्हॉट्सअ‍ॅप ग्रुप जॉइन करण्यासाठी इथे क्लिक करा
अधिक वाचा –
– गणेश मंडळाना प्रसादाबाबत नियमांचे पालन करण्याचे निर्देश; वाचा प्रसाद वाटप करण्याची संपूर्ण नियमावली
– “मागील 9 वर्षात एकही पत्रकार परिषद न घेणारे पंतप्रधान नरेंद्र मोदी हेच खरे घमंडिया”
– पवना बंदिस्त जलवाहिनी प्रकल्प : ‘…एक कणभरही काम सुरु केले जाणार नाही’, पालकमंत्र्यांचे शिष्टमंडळाला आश्वासन
