Dainik Maval News : लोणावळा शहरातील खंडाळा पोलीस चौकीच्या मागील बाजूला गुरुवारी दुपारी पाऊणे दोनच्या सुमारास अचानक आग लागली. या आगीत पोलिसांच्या ताब्यात असलेल्या तब्बल 23 गाड्या जळून खाक झाल्या. या गाड्यांमध्ये 19 दुचाकी, एक ट्रक, एक रिक्षा आणि दोन कार होत्या.
गाड्यांच्या आजूबाजूला वाढलेले गवत पेटून ही आग लागल्याचा प्राथमिक अंदाज आहे. स्थानिकांच्या मदतीने आयआरबीच्या देवदूत अग्निशमन बंबाच्या सहाय्याने दीड तासांच्या प्रयत्नानंतर आग विझवण्यात यश आले.
उन्हाचा ताप वाढू लागल्याने सध्या अनेक ठिकाणी आग लागण्याच्या घटना घडत आहे. लोणावळा नगरपरिषदेच्या वरसोली कचरा डेपोला बुधवारी रात्री पासून लागलेली आग अजून पूर्णतः विझली नसताना गुरुवारी पोलीस चौकी जवळ आग लागण्याची घटना घडली.
उन्हाचा ताप वाढू लागल्याने अशा आग लागण्याच्या घटना सातत्याने घडत आहेत. यावर लवकरात लवकर योग्य त्या उपाययोजना करणे आवश्यक बनले आहे. लोणावळा पोलीस याप्रकरणी पुढील तपास करीत आहेत.
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
अधिक वाचा –
– तळेगाव दाभाडे नगरपरिषदेच्या अभ्यासिकेत अभ्यास केलेले चार विद्यार्थी बनले अधिकारी ; मुख्याधिकाऱ्यांनी केला सन्मान । Talegaon Dabhade
– देहू नगरपंचायतीला यात्रा अनुदान कधी मिळणार? नागरिकांच्या मिळकत करातून होतोय कोट्यवधीचा खर्च । Dehu News
– पिंपरी-चिंचवड शहरासाठी मुळशी धरणातील पाणी आरक्षणाची मागणी ; मुख्यमंत्री व जलसंपदा मंत्र्यांना निवेदन
