पुणे लोणावळा लोकल ट्रेनची सेवा नियमितपणे सुरू करण्यात यावी, यासाठी मावळ तालुका काँग्रेस कमिटीच्या वतीने खासदार श्रीरंग आप्पा बारणे यांना निवेदन देण्यात आले. खासदार बारणे यांनी पुणे लोणावळा लोकल ट्रेनची सेवा त्वरित सुरू करण्यासंदर्भात संबंधित विभागाची बैठक बोलावून मावळ वासीयांना दिलासा द्यावा, असे निवेदनात नमूद केले आहे. ( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
मावळचे खासदार या नात्याने श्रीरंग बारणे यांनी सदर प्रश्न त्वरित सोडवून विद्यार्थी, चाकरमानी, कामगार वर्ग, ज्येष्ठ नागरिक, पत्रकार, व्यापारी, व बहुसंख्य महिला वर्गाला दिलासा द्यावा असे मावळ तालुका काँग्रेस कमिटीचे प्रवक्ते मिलिंद अच्युत यांनी व्यक्त केली आहे. कोविड काळात पुणे लोणावळा लोकल सेवा खंडित झाली होती, नियमित लोकल ट्रेनच्या फेऱ्या रद्द करून कोविड नियमावलीनुसार लोकल ट्रेनच्या फेऱ्या सोडण्यात येत होत्या. ( Maval Congress demand to start Pune Lonavla local train regularly )
परंतु कोविड उलटून जनजीवन सुरळीत झाले तरीही पुणे लोणावळा लोकल ट्रेन सेवा सुरळीत झाली नाही. त्यामुळे ट्रेन अभावी अनेक नागरिकांची गैरसोय होत आहे. दुपारी बारा ते चार च्या दरम्यान कुठलीच लोकल ट्रेनची सेवा उपलब्ध नसल्यामुळे, पुन्हा सुरळीतपणे सर्व लोणावळा पुणे लोकल ट्रेनच्या फेऱ्या व्हाव्यात यासाठी लोकसभेत लक्षवेधी प्रश्न मांडावा असे निवेदनात नमूद केले आहे. याप्रसंगी मावळ तालुका काँग्रेस कमिटीचे प्रवक्ते मिलिंद अच्युत, कार्याध्यक्ष योगेश पारगे, युवक अध्यक्ष समीर दाभाडे, ॲड.निवृत्ती फलके, ॲड राम शहाणे, नगर सेवक रोहित लांघे, दत्ता पारगे आदी मान्यवर उपस्थित होते.
“पुणे लोणावळा लोकल ट्रेन सेवा नियमितपणे सुरू करण्यासाठी संबंधित विभागाला सूचना दिलेल्या आहेत. तसेच पुन्हा संबंधित विभागाची उच्चस्तरीय बैठक लवकरात लवकर घेऊन सदर प्रश्न मार्गी लावण्यासाठी प्रयत्न करणार आहे.” – खासदार श्रीरंग आप्पा बारणे
अधिक वाचा –
– ‘शिवाजीनगरपर्यंत स्वयंचलित सिग्नल यंत्रणेचं स्वागत, पण सरकार लोकल्ससाठी स्वतंत्र मार्गिकेचा विचार का करत नाही?’
– डावजे-कातवडी ग्रामपंचायत उपसरपंचपदी बंडू जंगम बिनविरोध, गावकऱ्यांकडून खास सन्मान
– अवकाळीग्रस्त भागातील शेतकऱ्यांना नुकसान भरपाई ते झोपडीधारकांना मोठा दिलासा; वाचा शिंदे सरकारचे सर्व निर्णय
