दिव्यांग सप्ताहाच्या निमित्ताने गुरुवारी (दि. 30 नोव्हेंबर) इनरव्हील क्लब ऑफ तळेगाव दाभाडे तर्फे कामयानी पुणे या संस्थेच्या सिंधुताई जोशी उद्योग केंद्र, लिंब फाटा, तळेगाव दाभाडे इथे दिव्यांग व्यक्तींची आरोग्य तपासणी करण्यात आली. कामयानीचे व्यवस्थापक दीपक सोनवणे आणि प्रसाद करमरकर यांनी संस्थेची माहिती दिली. ( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
सध्या तेथील पटसंख्या 30 आहे. वय वर्षे 18 ते 45 या वयोगटांतील विशेष व्यक्ती रोज सकाळी 10 ते दुपारी 4 पर्यंत तिथे येतात. त्यांना स्वच्छता, टापटीप शिकवली जाते. त्यांच्या व्यक्तिमत्त्व विकासावर भर दिला जातो. डॉ दिपाली झंवर आणि डॉ राणी बच्चे यांनी या विशेष ज्येष्ठ विद्यार्थ्यांशी संवाद साधला. त्यांची आरोग्य तपासणी करून गरजूंना मोफत उपचार करणार असल्याचे सांगितले. ( Health screening by Inner Wheel Club for disabled persons at Sindhutai Industry Center Talegaon )
अध्यक्षा संध्या थोरात यांनी कामयानी संस्थेबद्दल गौरवोद्गार काढले. सध्या सर्वसामान्य मुलांना सांभाळणे लाईफ स्टाईल बदलल्यामुळे अवघड झालेले असताना अशा दिव्यांग विद्यार्थ्यांना नियमितपणे हसतमुखाने सांभाळणे, त्यांचा विकास करणे हे खरोखरच चॅलेंजिंग आहे. ही संस्था गेली अनेक वर्षअव्याहतपणे हे काम करते आहे. येथील मॅनेजमेंट कमिटी आणि स्टाफ मेंबर्स यांचे कौतूक करावे तेवढे कमीच, असे त्या म्हणाल्या. यावेळी त्यांच्या बरोबर सेक्रेटरी निशा पवार आणि जॉइन्ट सेक्रेटरी रश्मी थोरातही उपस्थित होत्या. मिठाईने सर्व विद्यार्थ्यांचे तोंड गोड करण्यात आले. ह्या हृद्य भेटीचा त्यांना फार आनंद झाला.
अधिक वाचा –
– मावळ तालुका राष्ट्रवादी काँग्रेस पक्षाच्या तळेगाव शहराध्यक्षपदी संतोष भेगडे; वरिष्ठ उपाध्यक्षपदी गणेश काकडे
– आमदार सुनिल शेळकेंच्या माध्यमातून सुदुंबरेतील ठाकर वस्तीकडे जाणाऱ्या रस्त्याच्या कामास सुरुवात
– टाकवे बुद्रुक इथे विविध आजारानुसार योग शिबिराचे आयोजन; 25 दिवस चालणार शिबिर
