मावळ तालुक्यातील पवन मावळ भागात असलेल्या पवना धरणाच्या काठच्या प्राचीन शिवमंदिरात चोरी झाल्याची धक्कादायक घटना समोर आली आहे. शिवमंदिरात असलेली प्राचिन 8 किलोची घंटा अज्ञात चोरट्यांनी लंपास केली आहे. हा प्रकार उघड झाल्यानंतर संतप्त ग्रामस्थांनी वडगाव मावळ पोलिसांत याबाबत तक्रार दिली आहे. ग्रामपंचायत शिळींब हद्दीत असलेल्या वाघेश्वर गावात हे प्राचीन शिवमंदिर आहे. ( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
पुजारी लक्ष्मण गुरव यांनी सोमवारी (दि. 4 डिसेंबर) सायंकाळी दिवाबत्ती केली. त्यानंतर ते घरी गेले. दुसऱ्या दिवशी अर्थात आज, मंगळवार (दि. 5 डिसेंबर) सकाळी ते मंदिरात पुजेसाठी गेले असता, तिथे मंदिरातील घंटा गायब झाल्याचे त्यांच्या निदर्शनास आले. त्यांनी ही बाब जवळील लोकांना सांगितली. त्यानंतर संतोष कडू, भगवान दरेकर, पोलिस पाटील प्रविण शिंदे आणि आजिवलीचे सरपंच नितीन लायगुडे यांनी ही बाब पोलिसांना कळवून चोरांचा तपास करण्याचे ठरवले आणि वडगाव मावळ पोलिसांत तक्रार दिली.
काही महिन्यांपूर्वी देखील वाघेश्वर येथील या मंदिरातील अतीप्राचिन मुखवटे आणि अन्य वस्तू चोरीस गेल्या होत्या. त्यातील काही मंदिर परिसरात सापडल्या. परंतू आता एवढी मोठी घंटा चोरट्यांनी लंपास केल्याने नागरिक संतप्त झालेत. मंदिर परिसरात सुरक्षेच्या दृष्टीने काही उपाययोजना करण्याची मागणी केली जात आहे. परिसरातील भाविकांचे हे श्रद्धास्थान असून दरवर्षी महाशिवरात्रीला येथे मोठी जत्रा भरते. ( Theft in Shiva temple in Wagheshwar village of Pawan Maval area )
अधिक वाचा –
– वाहतूक कोंडी मिटवण्यासाठी भाजपा मैदानात; ‘प्रश्न लवकर मार्गी लावा, अन्यथा…’, रविंद्र भेगडेंचा आंदोलनाचा इशारा
– वडगाव शहरातील स्थानिक टपरी व्यावसायिकांच्या हक्कासाठी मनसे लढणार! । Vadgaon Maval
– पुणे-लोणावळा दरम्यान दुपारच्या वेळेत लोकल सुरु करा; खासदार बारणेंची संसदेत मागणी, वाचा काय म्हणालेत बारणे
