मावळचे आमदार सुनिल शेळके यांनी उपवनसंरक्षक महादेव मोहिते यांची वन विभागाच्या पुणे येथील कार्यालयात भेट घेतली. यावेळी मावळ तालुक्यातील वन विभागाच्या हद्दीतील विकास कामांना गती देण्यासाठी सहकार्य करण्याचे आश्वासन उपवनसंरक्षक यांनी दिले. ( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअ‍ॅप चॅनेलवर )
मावळ तालुका निसर्ग सौंदर्याने बहरलेला आहे. त्याचप्रमाणे वन विभागाच्या जागाही मोठ्या प्रमाणात आहे. त्यामुळे ग्रामीण भागातील मुख्य रस्ते,अंतर्गत रस्ते, स्मशानभूमी, पाणी योजना अशी मुलभुत कामे करताना वनविभागाच्या हद्दीचा किंवा परवानगीचा अडसर येत असतो. त्यामुळे अनेक गावांमधील विकासकामे खोळंबतात. मावळ तालुक्यातील वन विभागाच्या हद्दीतील बहुतांश विकासकामे रखडल्याने स्थानिक ग्रामस्थांना अनेक अडचणींचा सामना करावा लागत आहे. या अनुषंगाने आमदार शेळके यांनी अधिकाऱ्यांची भेट घेतली. या बैठकीत विविध विषयांवर सविस्तर चर्चा करण्यात आली. विकासकामे सुरु असलेल्या काही गावात वन विभागाच्या जागा आहेत. वन विभागाची परवानगी न घेता कामे पूर्ण होणे शक्य नाही. त्यामुळे वन विभागाने सहकार्य करुन लवकरात लवकर परवानग्या द्याव्यात, अशी मागणी आमदार शेळके यांनी केली. यावर वन विभागाकडुन आवश्यक सहकार्य करण्याचे आश्वासन देण्यात आले आहे. त्यामुळे प्रलंबित असलेल्या कामांना गती मिळणार आहे.
जल जीवन मिशन अंतर्गत सुरू असलेल्या पाणी योजनांमधील पाण्याची टाकी, पाईपलाईन वन विभागाच्या हद्दीत येत असतील, तर त्या गावातील ग्रामसभेचा ठराव व मागणी पत्र दिल्यानंतर पुढील कामांना परवानगी देणार असल्याचे अधिकाऱ्यांनी सांगितले. तरी ज्या गावांमध्ये या अडचणी असतील त्यांनी पुढील आठ दिवसात संबंधित कामाचे मागणी पत्र व ग्रामसभेचा ठराव तळेगाव दाभाडे येथील जनसंपर्क कार्यालयात देण्याचे आवाहन आमदार सुनिल शेळके यांनी केले आहे. ( Assurance of Conservator of Forests to speed up works within forest department limits in Maval )
अधिक वाचा –
– तळेगाव स्टेशन तलावात तरुण बुडाला; आपदा मित्र आणि अग्निशमन दलाकडून तरुणाला वाचवण्यासाठी शर्थीचे प्रयत्न
– जुण्या मुंबई – पुणे महामार्गावर कान्हे फाटा इथे कंटेनरला आग
– वाहतूक कोंडी मिटवण्यासाठी भाजपा मैदानात; ‘प्रश्न लवकर मार्गी लावा, अन्यथा…’, रविंद्र भेगडेंचा आंदोलनाचा इशारा
