ज्येष्ठ शास्त्रीय गायिका प्रभा अत्रे (Prabha Atre) यांचे आज, शनिवारी (दि. 13 जानेवारी) पुण्यात निधन झाले. देशालाही भूषणावह असलेल्या प्रभाताई ह्या किराणा घराण्याच्या ज्येष्ठ गायिका होत्या. 2022 साली त्यांना पद्म विभूषण पुरस्काराने सन्मानित करण्यात आले होते. त्यांच्या निधनाने संगीत विश्वावर शोककळा पसरली आहे. वयाच्या 92 व्या वर्षी प्रभाताई अत्रे यांनी अखेरचा श्वास घेतला. ( Prabha Atre Passed Away ) ( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
प्रभाताईंचा जीवनप्रवास –
आबासाहेब व इंदिराबाई अत्रे यांच्या कन्या असलेल्या प्रभाताईंचा जन्म 13 सप्टेंबर 1932 रोजी पुण्यात झाला. पं. सुरेशबाबू माने हे त्यांचे पहिले गुरू. पुढे त्यांनी हिराबाई बडोदेकर यांच्याकडून संगीत शिक्षण घेतले. संगीत शिकत असतानाच प्रभाताईंनी फर्ग्युसन महाविद्यालयातून विज्ञान व पुणे विद्यापीठातून कायदा विषयांत पदवी संपादन केली. नंतर त्यांनी संगीतात डॉक्टरेटही केली. पाश्चात्य संगीताचा, तसेच कथक नृत्यशैलीचे औपचारिक शिक्षणही त्यांनी घेतले. प्रतिभावंत गायिका, संगीत रचनाकार, लेखिका, प्राध्यापिका व विदुषी म्हणून प्रभाताईंचा लौकिक होता.
पुण्यात ‘गानवर्धन’ व ‘स्वरमयी गुरुकुल’ या संस्थांच्या माध्यमातून त्यांनी संगीतकार्य सुरू ठेवले. आबासाहेब अत्रे प्रशालेच्या माध्यमातून वंचित घटकापर्यंत शिक्षणाची गंगा त्या पोहचवली. सवाई गंधर्व भीमसेन महोत्सवाचा समारोप दरवर्षी प्रभाताईंच्या गायनाने होत असे. त्यांच्या निधनाने संगीत विश्वात मोठी पोकळी निर्माण झाली आहे. ( Kirana Gharana Singer Padma Vibhushan Dr Prabha Atre Passed Away In Pune )
ज्येष्ठ शास्त्रीय गायिका प्रभा अत्रे यांचे पुण्यात निधन.. वयाच्या 92व्या वर्षी अखेरचा श्वास घेतला..पहाटे झोपेत असताना प्रभा अत्रे यांना हृदयविकाराचा झटका आला. त्यानंतर उपचारांसाठी त्यांना रुग्णालयात दाखल करण्यात आले. मात्र त्या आधीच त्यांचं निधन झाल होतं.#PrabhaAtre pic.twitter.com/44FTCBDAsB
— Pooja ujagare (@PoojaUjagare) January 13, 2024
सोमवारी होणार अंत्यसंस्कार –
प्रभा अत्रे यांना आज (दि. 13 जानेवारी) पहाटे झोपेतच ह्रदयविकाराचा झटका आला. त्यानंतर त्यांना तातडीने दीनानाथ मंगेशकर रुग्णालयात नेण्यात आले. मात्र, त्याआधीच त्यांचे निधन झाले होते. प्रभाताईंच्या पार्थिवावर सोमवारी अंत्यसंस्कार केले जातील. दुर्दैवाची गोष्ट म्हणजे आज त्यांचा मुंबईत कार्यक्रम ठरला होता. त्यासाठी त्या मुंबईला जाणार होत्या, मात्र त्याआधीच त्यांची प्राणज्योत मालवली.
अधिक वाचा –
– मळवंडी ठुले ग्रामस्थांची 40 वर्षांपासूनची मागणी आमदार शेळकेंकडून पूर्ण! 60 लाख निधीतून बांधणार नवा साकव पूल । Maval News
– स्व. पै. केशवराव ढोरे प्रतिष्ठान सामुदायिक विवाह सोहळा समितीची कार्यकारिणी जाहीर; 1 मे रोजी होणार विवाह सोहळा । Vadgaon Maval
– खासदार श्रीनिवास पाटील यांच्यावर कोसळला दुःखाचा डोंगर! पत्नी रजनीदेवी यांचे निधन । Rajni Devi Passes Away