मावळ तालुक्यातील ( Maval Taluka ) तिकोना गडाच्या ( Tikona Fort ) विकास आराखड्याच्या अंमलबजावणीला सुरुवात झाली आहे. वडगाव मावळ येथील गडभटकंती दुर्ग संवर्धन संस्थेने हा आराखडा तयार केला होता. राज्य सरकारच्या पुरातत्व विभागाने आराखडा स्विकारला असून त्याअंतर्गत तिकोना गडावर विविध कामे करण्यासाठी पहिल्या टप्प्यात 1 कोटी 47 लाख रुपयांची निविदा प्रसारित करण्यात आली आहे. ( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
किल्ले तिकोना हा राज्याच्या असंरक्षित स्मारकामध्ये येत असल्यामुळे त्याच्या संवर्धनासाठी निधी उपलब्ध होत नव्हता. परंतू मागील अनेक वर्षांपासून तिकोना किल्ल्याच्या संवर्धनाचे काम करणाऱ्या वडगाव येथील गडभटकंती दुर्गसंवर्धन संस्थेने ( Gadbhatakanti Fort Conservation Society ) तिकोना गडाचा शास्त्रशुद्ध संवर्धन विकास आराखडा तयार करून घेतला होता.
गडकिल्ले हे शासनाच्या ताब्यात असल्याने त्यावर दुर्गसंवर्धनाचे काम करायचे झाल्यास शासकीय बाबी पूर्ण करणे क्रमप्राप्त असते. या बाबींची पूर्तता करण्यासाठी गडाचा कायदेशीर व प्रमाणित विकास आराखडा करण्याबाबत संस्थेला पुरातत्त्व विभागाकडून वारंवार विचारणा होत होती. अखेर गडभटकंती दुर्ग संवर्धन संस्थेने लाखभर रुपये खर्च करून तिकोना गडाचा विकास आराखडा तयार केला होता. ( gad bhatakanti durg sanvardhan sanstha vadgaon maval )
संस्थेच्या या विकास आराखड्याला राज्य पुरातत्त्व विभागाने मंजुरी दिली होती. तसेच विकास आराखड्याच्या अंमल बजावणीसाठी आणि किल्ले तिकोनागडावर विविध कामे करण्यासाठी पुरातत्व पुणे विभागाचे उपसंचालक विलास वाहने यांनी 2 कोटी 11 लाख 49 हजार 218 रुपये खर्चाचा प्रस्ताव मंजुरीसाठी शासनाकडे पाठवला होता. त्यानुसार पहिल्या टप्प्यात गडावर विविध कामे करण्यासाठी 1 कोटी 47 लाख रुपये खर्चाला मंजुरी मिळाली आहे. त्याप्रमाणे निविदा प्रसारित झाली आहे. (माहिती साभार/इंटरनेट,फेसबूक)
अधिक वाचा –
– तळेगाव नगरपरिषदेच्या ‘त्या’ जेसीबीचा इन्शूरन्स आधीच संपलेला? मुख्याधिकारी की ठेकेदार, नुकसानीला जबाबदार कोण?
– मावळ भाजपाची युवा वॉरियर्स कार्यकारणी जाहीर; ‘तरुणांनी स्वामी विवेकानंद, नरेंद्र मोदी यांच्या कार्याचा आदर्श घ्यावा’ – रविंद्र भेगडे
– इनर व्हील क्लबकडून पवनानगर इथे शंभरावा इनरव्हील डे साजरा । Inner Wheel Club