मावळ तालुक्यातील (maval) मंगरूळ गावातून दोन बैलांना एका वाहनात भरून कत्तलीसाठी कसायाकडे घेऊन जाणाऱ्या दोघांना तळेगाव एमआयडीसी पोलिसांनी प्राप्त फिर्यादीनंतर अटक केली आहे. रविवार (21 जानेवारी) रोजी रात्री साडेनऊच्या दरम्यान पोलिसांनी ही कारवाई केली. योगेश शेटे (रा. तळेगाव दाभाडे) यांनी तळेगाव एमआयडीसी पोलिसांत फिर्याद दिली, त्यावरून पोलिसांनी कारवाई करत खेड तालुक्यातील दोघांना अटक केली.
खंडू मारुती शिर्के (वय 32, रा. कोळवे, ता. खेड) आणि नाथा किसन शिंदे (वय 48, रा. सुतारवाडी, गडद, ता. खेड) अशी अटक केलेल्यांची नावे आहेत. त्यांच्यावर प्राण्यांना क्रुरतेने वागवण्यास प्रतिबंध कायदा आणि महाराष्ट्र प्राणी संरक्षक कायद्यानुसार गुन्हा दाखल करण्यात आला आहे. मंगरूळ गावच्या हद्दीत तांबोळी पडळ वस्ती इथे ही कारवाई करण्यात आली. ( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
पोलिसांनी दिलेल्या माहितीनुसार, आरोपी एका टेम्पोमध्ये दोन बैलांना कत्तलीसाठी एका कसायाकडे घेऊन जात असताना मिळून आले असून त्यांच्याकडून दोन बैलांची सुटका करत एक टेम्पो वाहन जप्त करण्यात आले आहे. आरोपी अटकेत असून पुढील तपास पोलिस उपनिरिक्षक जगदाळे हे करत आहेत. ( talegaon midc police arrested 2 persons who taking bulls for slaughter mangrul village maval taluka )
अधिक वाचा –
– खुशखबर! मावळच्या इंद्रायणी भाताला जीआय मानांकन मिळवण्यासाठी प्रयत्न करणार, कृषी आयुक्तांचे आमदार सुनिल शेळकेंना आश्वासन
– मावळ तालुक्यातील सावळा गावात 10 दिवसीय पशुसंवर्धन प्रशिक्षण शिबिराचे आयोजन; महिलांना कृषी साहित्यांचे वाटप
– पाटील एक फोटो प्लीज..! लोणावळ्यात प्रति मनोज जरांगे पाटलांची हवा, फोटो-सेल्फीसाठी नागरिकांची झुंबड – पाहा Photo । Manoj Jarange Patil