नवीन आर्थिक वर्षाच्या पहिल्याच दिवशी एलपीजी गॅस सिलेंडरच्या दरात मोठी कपात करण्यात आली आहे. त्यामुळे नागरिकांना मोठा दिलासा मिळाला आहे. एलपीजी गॅस सिलेंडरच्या किमतीत आज पासून (दि. 1 एप्रिल) कपात करण्यात आली आहे. गॅस सिलेंडरच्या दरात 30 रुपयांहून अधिकची कपात करण्यात आलीये. 19 किलोच्या व्यावसायिक सिलेंडरच्या दरात ही कपात झाली आहे. त्यामुळे व्यावसायिक एलपीजी गॅस सिलेंडर स्वस्त झालाय. 19 किलोचा व्यावसायिक गॅस सिलेंडर आता 30.50 रुपयांनी स्वस्त झाला आहे. ( मावळ, पिंपरी-चिंचवड, पुणे परिसरातील ताज्या अपडेट्ससाठी दैनिक मावळचा व्हॉट्सअ‍ॅप चॅनेल जॉईन करा )
मागील तीन महिन्यापासून एलपीजी व्यावसायिक गॅस सिलेंडरच्या दरवाढीचा भडका उडाला होता. मार्च महिन्यात गॅस सिलेंडरचे दर 25.50 रुपयांनी वाढले होते. त्याआधी फेब्रुवारी महिन्यात एलपीजी गॅस सिलेंडरच्या दरात 14 रुपयांची वाढ करण्यात आली होती. त्याशिवाय जानेवारी महिन्यातही एलपीजी सिलेंडर 1.50 रुपयांनी महागला होता. आता तीन महिन्यानंतर एलपीजी स्वस्त झाला आहे. ( LPG PRICE CUT COMMERCIAL CYLINDER GETS CHEAPER BY RS 30.50 )
गॅस सिलेंडर कुठे, किती रुपयांनी स्वस्त?
दिल्ली – एलपीजी सिलेंडरचे दर 30.50 रुपयांनी कमी झालेत.
कोलकाता – एलपीजी सिलेंडरचे दर 32 रुपयांनी कमी झालेत.
मुंबई – एलपीजी सिलेंडरचे दर 31.50 रुपयांनी कमी झालेत.
चेन्नई – एलपीजी सिलेंडरचे दर 30.50 रुपयांनी कमी झालेत.
घरगुती एलपीजी गॅस सिलेंडरचे दर स्थिर –
घरगुती गॅस सिलेंडरच्या दरात कोणताही बदल झालेला नाही. घरगुती एलपीजी सिलेंडर म्हणजे 14.2 किलो गॅस सिलेंडरच्या किंमतीत कोणताही बदल झालेला नाही. घरगुती गॅस सिलेंडरची किंमत दिल्लीत 803 रुपये, कोलकात्यात 829 रुपये, मुंबईत 802.50 रुपये आणि चेन्नईमध्ये 818.50 रुपये आहे.
अधिक वाचा –
– उमेदवारी मिळाल्यानंतर खासदार श्रीरंग बारणे प्रथमच मावळात; आमदार सुनिल शेळके आणि बाळा भेगडे यांची घेतली भेट
– मविआचे उमेदवार संजोग वाघेरे यांच्या प्रचार मोहिमेसाठी काँग्रेसकडून मावळ विधानसभेत समन्वय समिती स्थापन, पाहा संपूर्ण यादी
– शरद पवार यांच्याकडून लोकसभेसाठी 5 शिलेदारांची नावे जाहीर, अहमदनगरमधून निलेश लंके यांना उमेदवारी, पाहा यादी
