मावळ तालुक्यातील ऐतिहासिक किल्ले लोहगड आणि किल्ले विसापूर या दोन्ही किल्ल्यांच्या पायथ्याशी असलेल्या भाजे गावात छत्रपती शिवाजी महाराज यांचा भव्य पुतळा उभारण्यात आला आहे. गुढीपाडवा व हिंदू नववर्षाचे औचित्य साधून भाजे ग्रामस्थ आणि मावळ परीसरातील शिवभक्तांच्या वतीने लोहगड विसापूर किल्ल्यांच्या पायथ्याशी वसलेल्या भाजे गावात स्वराज्यसंस्थापक छत्रपती शिवाजी महाराजांच्या अश्वारूढ पूर्णाकृती पुतळ्याचे अनावरण करण्यात येणार आहे. ( मावळ, पिंपरी-चिंचवड, पुणे परिसरातील ताज्या अपडेट्ससाठी दैनिक मावळचा व्हॉट्सअ‍ॅप चॅनेल जॉईन करा )
भाजे गावातील तरुणांनी दोन वर्षांपूर्वी आपल्या गावामध्ये महाराष्ट्राचे आराध्य दैवत छत्रपती शिवाजी महाराज यांचा पुतळा उभारण्याचा संकल्प केला. एक मुखाने त्याला मान्यता मिळाल्यानंतर अवघ्या सहा महिन्यांमध्ये पुतळा उभारण्याकरिता लागणाऱ्या सर्व शासकीय परवानगी मिळाल्यानंतर प्रत्यक्षपणे कामाला सुरुवात करण्यात आली. लोक सहभागातून हे काम करण्यात आले असून भाजे गावातील प्रत्येकाचा त्यामध्ये हातभार लागला आहे. सोबतच आजूबाजूच्या पंचक्रोशीतील दानशूर व्यक्‍तीने देखील या कामी मदतीचा हात दिला आहे. सर्वांच्या मदतीने व सहकार्याने अतिशय सुंदर अशा पद्धतीने भाजे गावामध्ये छत्रपती शिवाजी महाराजांचा अश्वारूढ पुतळा उभारण्यात आला आहे. ( statue of Chhatrapati Shivaji Maharaj will be unveiled in Bhaje village on Gudhi Padwa )
पुतळ्याला चारही दिशेने राजमुद्रा बसवण्यात आली आहे. पुतळ्याच्या परिसरामध्ये सुशोभीकरण करण्यात येणार असून दुसऱ्या टप्प्यामध्ये याच ठिकाणी शंभर फूट उंचीचा भगवा ध्वज लावण्यात येणार असल्याची माहिती ग्रामस्थांच्या वतीने देण्यात आली. गुढीपाडव्याच्या दिवशी सायंकाळी चार वाजता पारंपारिक वेशभूषेमध्ये व पारंपारिक वाद्यांच्या गजरामध्ये भाजे गावांमध्ये भव्य मिरवणूक काढण्यात येणार आहे. मावळ परिसरामधील तमाम नागरिकांनी या सोहळ्यात सहभागी होत या ऐतिहासिक सणाचे साक्षीदार व्हावे असे आवाहन भाजे ग्रामस्थांच्या वतीने करण्यात आले आहे. सायंकाळी साडेसात वाजता या पुतळ्याचे अनावरण करण्यात येणार आहे. त्यानंतर काही सांस्कृतिक कार्यक्रम व महाराजांचे पोवाडे या ठिकाणी सादर केले जाणार असून तदनंतर महा भंडारा आयोजित करण्यात आला आहे.
अधिक वाचा –
– ‘महायुतीचा धर्म पाळू आणि श्रीरंग बारणे यांच्या प्रचारात स्वतःला झोकून देऊ’ – मावळ तालुका राष्ट्रवादी काँग्रेस । Maval Lok Sabha
– राष्ट्रवादी काँग्रेसची पूर्ण ताकद खासदार बारणे यांच्या पाठीशी उभी राहिल – अजित गव्हाणे यांचे आश्वासन
– सोसायटी मेंटेनन्स न भरल्यास जप्ती कायदेशीरच, हायकोर्टाचा महत्वपूर्ण निर्वाळा
