मावळ तालुक्यात एक धक्कादायक घटना घडली आहे. लग्नाच्या दिवशीच नवरदेवाने आपले जीवन संपवल्याची खळबळजनक घटना मावळ तालुक्यातील तळेगाव दाभाडे शहरात घडली आहे. सदर तरुणाने विहिरीत जीव देत आपले जीवन संपवले आहे. ह्या घटनेने परिसरात हळहळ व्यक्त केली जात आहे. तरुणाचे नातेवाईक आणि मित्रपरिवाराने घटनेची माहिती मिळताच अतिशोकाने हंबरडा फोडलाय. ( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
सुरज राजेंद्र रायकर असे सदर युवकाचे नाव असून त्याने शहरातील जुन्या विहिरीत उडी मारून आत्म’हत्या केल्याची माहिती तळेगाव दाभाडे पोलिसांनी दिली. सदर घटनेची माहिती मिळताच वन्यजीव रक्षक संस्थेचे आपदा मित्र आणि तळेगाव दाभाडे पोलिस घटनास्थळी दाखल झाले. सदर विहिर अत्यंत जूनी असल्याने रेस्क्यू साठी अडचणी येत होत्या, परंतू अखेर सदर युवकाचे शव हाती लागले. ( Groom Committed Suicide on day of wedding shocking incident in talegaon dabhade maval taluka )
लग्नाच्या दिवशीच संबंधित तरुणाने जीवन संपवल्याने ह्या घटनेने परिसरात हळहळ व्यक्त केली जात आहे. ज्या घरात लग्नाची मंगल वाद्य वाजावीत, त्याच घरात आज नातेवाईक मित्रमंडळी यांचा शोक ऐकू येऊ लागल्याने सर्वांनाच मोठा धक्का बसला आहे. आपदा मित्र निलेश गराडे, अनिल आंद्रे, शुभम काकडे, भास्कर माळी, सूरज शिंदे, गणेश गायकवाड, अनिश गराडे, ओंकार भेगडे, आकाश पवार, कमल परदेशी यांनी रेस्क्यू ऑपरेशन राबवले. तळेगाव दाभाडे पोलिस PSI मुल्ला साहेब यांच्याकडे पुढील तपास आहे.
अधिक वाचा –
– मोठी बातमी! महापारेषणची टॉवर लाईनची वीजवाहिनी तुटली, 45 गावांतील सुमारे 65 हजार ग्राहकांचा वीजपुरवठा खंडित । Pune News
– कार्ला गडावर आई एकविरा देवीचा पारंपारिक पालखी मिरवणूक सोहळा उत्साहात संपन्न । Karla Ekvira Devi Yatra
– घराणेशाहीच्या नावाने बोंब मारणाऱ्या भाजपाने दिलेत सर्वाधिक घराणेशाहीतले उमेदवार, इतर पक्षांची काय स्थिती? – वाचा विशेष बातमी
