सह्याद्री प्रतिष्ठान महाराष्ट्र राज्य चे दुर्गसेवक सचिन शेडगे यांना मनोज जरांगे पाटील यांच्या हस्ते 2024 सालचा ‘वीर कोयाजीराव बांदल पुरस्कार’ प्रदान करण्यात आला. वीर कोयाजीराव बांदल शौर्य दिनी त्यांच्या तैलचित्राचे अनावरण करण्यात आले. यावेळी आयोजित सोहळ्यात हा पुरस्कार प्रदान करण्यात आला. सचिन शेडगे हे मागील अनेल वर्षांपासून त्यांच्या सहकाऱ्यांसोबत दुर्गसंवर्धनाचे कार्य करत आहेत. ( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअ‍ॅप चॅनेलवर )
एप्रिल 1663 साली लाल महाल येथे शाहिस्तेखानावर झालेल्या हल्ल्यात छत्रपती शिवाजी महाराज यांच्या समवेत वीर कोयाजीराव बांदल हेही होते. त्यांच्या या शौर्याचा गौरव म्हणून दरवर्षी वीर कोयाजीराव बांदल शौर्य दिन नियोजन समिती, हिरडस मावळ, भोर प्रांत यांच्या मार्फत हा पुरस्कार दिला जातो. यंदा 21 एप्रिल रोजी शौर्य दिनाचे औचित्य साधून मराठा आरक्षण लढ्यातील नेते मनोज जरांगे पाटील यांच्या हस्ते तैलचित्राचे अनावरण करण्यात आले. त्यानंतर पुरस्कार वितरण करण्यात आले. ( Sahyadri Foundation Veer Koyajirao Bandal Award to Sachin Shedge by Manoj Jarange Patil )
‘वीर कोयाजीराव बांदल पुरस्काराने मला सन्मानित केल्याबद्दल मी वीर कोयाजीराव बांदल शौर्यदिन नियोजन समितीचे मनपूर्वक आभार मानतो. हा पुरस्कार माझ्या एकट्याचा नसून गडकिल्यांच्या संवर्धनासाठी रात्रंदिवस मेहनत घेणाऱ्या आमच्या सह्याद्रीच्या सर्व दुर्गसेवकांचा आहे. तुंग दुर्गाच्या संवर्धनासाठी झटलेल्या प्रत्येक दुर्गसेवकांना हा पुरस्कार समर्प्रित करत आहे.’ असे सचिन शेडगे यांनी सांगितले.
अधिक वाचा –
– महाविकास आघाडीचे उमेदवार संजोग वाघेरे यांच्या चिंचवडमधील पदयात्रेला मतदारांचा उत्स्फूर्त प्रतिसाद । Maval Lok Sabha
– Maval Lok Sabha : मुख्यमंत्र्यांच्या उपस्थितीत श्रीरंग बारणे भरणार उमेदवारी अर्ज, जोरदार शक्तीप्रदर्शनाची तयारी
– उष्माघात म्हणजे काय? लहान मुलांमध्ये उष्माघाताची लक्षणे कशी ओळखावी? उष्णतेच्या लाटेदरम्यान आहार कसा असावा? जाणून घ्या
