Firing In Talegaon Dabhade : मावळ तालुक्यातील तळेगाव दाभाडे शहरात गोळीबाराची घटना घडली आहे. तळेगावातील भेगडे आळीमध्ये मंगळवारी (दि. 23) रात्री साडेअकराच्या सुमारास जुन्या भांडणाच्या रागातून एकावर पिस्तुलातून गोळीबार करण्यात आला. सुदैवाने गोळी खांद्याला चाटून केल्याने तरुणाचा जीव वाचलाय. परंतू सदर घटनेने तळेगाव दाभाडे शहरात खळबळ उडाली आहे. ( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
आदित्य गणेश भेगडे (वय 27, रा. भेगडे आळी, तळेगाव दाभाडे, ता.मावळ) असे गोळीबारात जखमी झालेल्या तरुणाचे नाव आहे. त्याने तळेगाव दाभाडे पोलिस ठाण्यामध्ये फिर्याद दिली आहे. तर, आरोपी ध्रुव खिलारी आणि त्याचे इतर दोघे साथीदारांविरुद्ध गुन्हा दाखल झाला आहे. ( Firing In Talegaon Dabhade City Shooting at Youth from an old feud Maval Crime )
वरिष्ठ पोलिस निरीक्षक किशोर पाटील यांनी दिलेल्या माहितीनुसार, जुन्या भांडणाच्या वादातून मुख्य आरोपी आणि त्याचे दोन साथीदार अल्पवयीन असून त्यांनी आदित्य भेगडे याच्यावर गोळीबार केला. त्यात गोळी आदित्यच्या डाव्याला खांद्याला चाटून गेली. या घटनेची माहिती मिळताच तळेगाव दाभाडे पोलिस ठाण्याचे वरिष्ठ पोलिस निरीक्षक किशोर पाटील, पोलिस निरीक्षक (गुन्हे) प्रदीप रायनावर, अधिकारी व पोलिस अंमलदारांनी घटनास्थळी धाव घेतली.
आरोपी गुन्हा करून फरार झाले. या घटनेने परिसरात तणाव निर्माण झाला होता. परिसरातील सीसीटीव्ही कॅमेरे फुटेज तपासली जात असून आरोपींना अटक करण्यासाठी पोलिस पथक रवाना झाले आहे. या गुन्ह्याचा तपास पोलिस निरीक्षक (गुन्हे) प्रदीप रायनावर करत आहेत.
अधिक वाचा –
– ईव्हीएमबद्दल सोशल मीडियावर व्हायरल होणाऱ्या ‘त्या’ मेसेजबाबत जिल्हाधिकाऱ्यांचे स्पष्टीकरण; म्हणाले, ‘तो मेसेज…’
– अब्जाधीश ‘आप्पा’ ! 5 वर्षात 29 कोटींची वाढ, श्रीरंग बारणेंची एकूण संपत्ती किती? हिरे-सोने, महागड्या गाड्या आणि बरंच काही, वाचा सविस्तर । Shrirang Barane Property
– संजोग वाघेरेंकडे 18 कोटींची संपत्ती! मुलाला 1 कोटी दिले पण स्वतःला गाडी नाही, गुन्हे – पिस्तूल आणि बरंच काही, वाचा सविस्तर । Sanjog Waghere Property