मावळ लोकसभा मतदारसंघाची 2009 साली निर्मिती झाली. तेव्हा मावळमधून 2009 च्या निवडणुकीत पहिल्यांदा शिवसेनेने विजय मिळवला. तेव्हापासून हा मतदारसंघ शिवसेना पक्षाकडे राहिला. 2009 साली गजानन बाबर यांच्यानंतर 2014 आणि 2019 अशी सलग दोनदा शिवसेनेचे श्रीरंग बारणे निवडून आले. 2022 साली शिवसेना पक्षात फुट पडली. त्यात श्रीरंग बारणे हे एकनाथ शिंदे यांच्या गोटात गेले. त्यांना तिसऱ्यांदा निवडणूक लढवायचीच होती, आणि त्यांनी तिकीटही मिळवले. त्याचवेळी त्यांच्यासमोर शिवसेना ठाकरे गटाचे संजोग वाघेरे ह्यांना उमेदवारी मिळाली. त्यामुळे मावळची निवडणूक ही प्रतिष्ठेची बनली. ( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअ‍ॅप चॅनेलवर )
शिवसेना पक्षाच्या फुटीनंतर होत असलेल्या पहिल्याच लोकसभा निवडणूकीत मावळात शिवसेनेचे दोन्ही गट एकमेकांसमोर आहेत. शिवसेना पक्ष जो एकनाथ शिंदेच्या हाती आहे. त्यांच्यासोबत महायुतीतील घटक पक्ष असलेल्या भाजपा आणि राष्ट्रवादीचीही साथ आहे. त्यामुळे राज्यात महायुतीची ताकद मोठी बनली. पर्यायाने मावळ लोकसभेत देखील महायुतीची ताकद मोठी असल्याचे दिसत होते. मावळात प्रथमच एका उमेदवाराच्या पाठी लोकसभा मतदारसंघात असलेल्या सहाही विधानसभा मतदारसंघाचे आमदार असल्याचे चित्र राज्याचे पाहिले. त्याअर्थी श्रीरंग बारणे यांची बाजू जड होती. ( Maval Lok Sabha Constituency Election 2024 Campaign Analysis )
परंतू प्रचारादरम्यान वातावरण बदलले आणि मावळ लोकसभेची निवडणूक जी सुरुवातीला एकतर्फी वाटत होती, ती चुरशीची बनली. संजोग वाघेरे यांनी महाविकास आघाडीच्या पदाधिकाऱ्यांना हाताशी धरून मावळ लोकसभेचा कोपरा न कोपरा पिंजून काढला. त्यांना मविआच्या नेत्यांचीही साथ मिळाली. मविआच्या प्रमुख नेत्यांनी वाघेरेंसाठी सभा, बैठका, रॅल्या घेतल्या. त्यामुळे मावळची निवडणूक जी एकतर्फी होती ती चुरशीची बनली आणि दोन्ही पक्षांसाठी आव्हानात्म बनली.
अधिक वाचा –
– ‘प्रत्येकाच्या मनात मशाल हे एकच चिन्ह असायला हवं.. या मशालीने भाजपाला तडीपार करायचंय’ – आदित्य ठाकरे । Maval Lok Sabha
– मावळ लोकसभा मतदारसंघात होणाऱ्या मतदानाच्या पार्श्वभूमीवर कामशेत पोलिसांकडून शहरात शक्ती प्रदर्शन ! Kamshet News
– ‘मी मॅच फिक्सिंग करत नाही…’ संजोग वाघेरेंसोबत ‘तेव्हा’ नेमकं काय झालं? अजितदादांनी सर्वांसमोर स्पष्ट केलं, वाचा… । Maval Lok Sabha
