पवन मावळ भागातील श्री ज्ञानेश्वर विद्यानिकेतन जवण शाळेच्या शिक्षिका वर्षा बारबोले यांना जिल्हास्तरीय गुणवंत शिक्षक पुरस्काराने सन्मानित करण्यात आले आहे. रविवारी (दि. 11 जून) रोजी राजगुरुनगर येथे हा सोहळा झाला. ( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
पुणे जिल्हा माध्यमिक शिक्षक संघ, महाराष्ट्र राज्य शिक्षक लोकशाही आघाडी व पुणे जिल्हा माध्यमिक महिला शिक्षिका संघ यांच्या वतीने दरवर्षी माजी शिक्षक स्व. आमदार शिवाजीराव पाटील यांच्या स्मृती दिनानिमित्त पुणे जिल्ह्यातील सर्व तालुक्यातील प्रत्येकी एका शिक्षकाला जिल्हास्तरीय गुणवंत शिक्षक पुरस्काराने सन्मानित केले जाते.
- मावळ तालुक्यातून यावर्षी पुणे जिल्हा माध्यमिक महिला शिक्षक संघाच्या मावळ तालुका अध्यक्षा वर्षा बारबोले यांची निवड करण्यात आली. वर्षा बारबोले या मागील अनेक वर्षांपासून अजिवली येथील शाळेत अध्यापनाचे कार्य करत आहेत.
खेडचे आमदार दिलीप मोहिते पाटील, माजी शिक्षक आमदार नानासाहेब बोरस्ते, माजी आमदार राम कांडगे, माजी आमदार पोपटराव गावडे, शिक्षणाधिकारी भाऊसाहेब कारेकर यांच्या हस्ते बारबोले यांना पुरस्कार प्रदान करण्यात आला.
राज्य मुख्याध्यापक महामंडळाचे अध्यक्ष के. एस. ढोमसे, राज्य शिक्षक लोकशाही आघाडीचे कार्याध्यक्ष जी. के. थोरात, शिक्षक संघाच्या जिल्हा प्रतिनिधी स्नेहल बाळसराफ यांसह पुणे जिल्ह्यातील शिक्षकवर्ग मोठ्या संख्येने यावेळी उपस्थित होता.
अधिक वाचा –
– ब्रेकिंग ! पवना धरणग्रस्तांना 50 वर्षांनंतर मिळाला न्याय, आमदार सुनिल शेळके आणि धरणग्रस्तांच्या सातत्यपुर्ण प्रयत्नांना यश
– पंतप्रधान नरेंद्र मोदी यांच्या तिसऱ्या सरकारमध्ये महाराष्ट्राच्या वाट्याला नेमकं काय आलं ? वाचा सविस्तर
– ‘एसआरटी’ म्हणजे नक्की काय रे भाऊ? भात लागवडीची ही पद्धत का होतेय शेतकऱ्यांच्या पसंतीची, जाणून घ्या । दैनिक मावळ विशेष