शनिवारपासून (दि. 15) नवीन शैक्षणिक वर्ष सुरू झाले आहे. प्रशासनाने मराठी माध्यमांच्या शाळेतील विद्यार्थ्यांचे जोरदार स्वागत करण्याच्या सूचना देण्यात आल्या होत्या. पवना विद्या मंदिर,लायन शांता मानेक ज्युनियर कॉलेज तसेच कै. सौ. मिराबाई दशरथ भोंगाडे पवना प्राथमिक विद्या मंदिर शाळेतील सर्व नविन विद्यार्थांंचे आज ढोल ताशा लेझिमच्या गजरात स्वागत करण्यात आले. तसेच विद्यालयाच्या प्रवेशद्वारावर गुलाबांच्या पाकळ्यांची उधळण करत नवीन विद्यार्थ्यांचे स्वागत करण्यात आले. ( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
यासह नूतन महाराष्ट्र विद्या प्रसारक मंडळाचे सचिव व शालेय समिती अध्यक्ष संतोष खांडगे यांच्या संकल्पनेतून पर्यावरण दिनाचे औचित्य साधून संस्था अंर्तगत शाळांमध्ये एक विद्यार्थी एक वृक्ष लागवड व संवर्धन या उपक्रमाची सुरुवात करण्यात आली होती. त्यानुसार काले पवनानगर ग्रामपंचायतींच्या उपसरपंच योगिता मोहोळ यांच्या हस्ते संकुलातील 1000 विद्यार्थ्यांना प्रत्येकी एक देशी झांडाचे रोप देण्यात आले.
यावेळी संकुलाचे प्राचार्य भाऊसाहेब आगळमे, पर्यवेक्षिका अर्चना शेडगे, माजी विद्यार्थी यांंच्यासह संकुलातील सर्व विभागाचे प्रमुख व सर्व अध्यापकांच्या हस्ते नविन प्रवेश घेणाऱ्या विद्यार्थांंना पुस्तके तसेच झाडांचे वाटप करण्यात आली. यावेळी बोलताना प्राचार्य भाऊसाहेब आगळमे म्हणाले की, संस्थेच्या उपक्रमानुसार संकुलातील प्रत्येक विद्यार्थी व शिक्षकांना एक झाड देण्यात आले असून प्रत्येकाने त्यांचे लागवड करुन संवर्धन करायचे आहे. ( Students warm welcome to Pawna Education Complex in Pavananagar with dhol & tasha )
एक विद्यार्थी एक वृक्ष लागवड व संवर्धन उपक्रमाची प्रभावी अंमलबजावणी –
नूतन महाराष्ट्र विद्या प्रसारक मंडळ तळेगाव दाभाडे संस्थेच्या वतीने पर्यावरण दिनाचे औचित्य साधून यावर्षी पासून एक विद्यार्थी एक वृक्ष लागवड व संवर्धन या अभिनव उपक्रमाची सुरुवात केली आहे. त्यानुसार संस्था अंर्तगत ६ माध्यमिक ,२ प्राथमिक,४ उच्च माध्यमिक विद्यालयात शाळेच्या पहिल्याच दिवशी एकूण ५००० वृक्षांचे वाटप करण्यात आले.
सदर उपक्रमात प्रत्येक विद्यार्थ्यांनी व शिक्षकांनी ते झाड लावून त्याचे संवर्धन करावे त्याचे निरीक्षण व पाहणी करण्यासाठी एक समिती तयार करुन त्याचा अहवाल सादर केल्यानंतर प्रत्येक विद्यार्थ्याला संस्थेमार्फत प्रमाणपत्र देण्यात येणार आहे. हा उपक्रम संस्थेचे अध्यक्ष माजी राज्यमंत्री बाळाभाऊ भेगडे, संस्थेचे सचिव संतोष खांडगे, उपाध्यक्ष गणेश खांडगे, सहसचिव नंदकुमार शेलार, खजिनदार राजेश म्हस्के, संचालक सोनबा गोपाळे, महेश भाई शहा, दामोदर शिंदे व सर्व संचालक यांच्या मार्गदर्शनाखाली सुरु राहणार आहे.
अधिक वाचा –
– मोठी बातमी ! येत्या 27 जूनपासून मुंबईत राज्य विधिमंडळाचे पावसाळी अधिवेशन, ‘इतके’ दिवस चालणार अधिवेशन
– पालखी सोहळ्यासाठी पुणे जिल्ह्यातील तयारी अंतिम टप्प्यात; वारकऱ्यांसाठी आवश्यक सुविधांचे नियोजन करा – अजित पवार
– शेतकऱ्यांना बी-बियाणे आणि खतांचा वेळेवर पुरवठा करण्याचे उपमुख्यमंत्री अजित पवार यांचे निर्देश । Pune News
