मावळ तालुक्यासह संपूर्ण पुणे जिल्ह्यात आता मान्सून चांगलाच सक्रीय झाला आहे. पुणे जिल्ह्यात आज (9 जुलै) अतिमुसळधार पावसाचा इशारा देण्यात आला आहे. मावळ तालुक्यातील पवन मावळ भागात देखील पावसाचा जोर वाढला असून त्यामुळे शेतकरी भातशेतीच्या कामात व्यस्त झालेत. तर पिंपरी चिंचवड शहर वासिय आणि मावळातील हजारो शेतकऱ्यांची तहान भागविणारे पवना धरण देखील भरू लागले आहे. मागील काही दिवस येथे पावसाचा जोर वाढल्याने पवना धरणातील पाणीसाठ्यात वाढ होताना दिसत असून ही आनंदाची बातमी नागरिकांसाठी आहे ( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
पवना धरण परिसरात मंगळवारी, दिनांक 9 जुलै सकाळी 6 वाजेपर्यंत घेण्यात आलेल्या नोंदीनुसार, मागील 24 तासात 27 मी.मी. पावसाची नोंद करण्यात आली. लोणावळा विभागात झालेल्या सोमवारच्या पावसापेक्षा (22 मीमी) पवना धरण परिसरात अधिक पावसाची नोंद करण्यात आली. पवना धरण भागात यंदाच्या मोसमात एकूण 461 मीमी पाऊस झाला असून त्यामुळे पवना धरणातील जलसाठा हळूहळू वाढू लागला आहे. सद्यस्थितीत पवना धरणात 23.62 इतका पाणीसाठा असून आठवड्याभरात 4 टक्के पाणीसाठा वाढला आहे. गतवर्षी याकाळात अतिमुसळधार अर्थात 617 मीमी इतका पाऊस झाला होता, तर धरणात 27.95 टक्के पाणीसाठा होता.
मावळ तालुक्यातील हजारो शेतकरी बांधव यांसह पिंपरी-चिंचवड शहरातील लाखो नागरिकांची तहान भागविणारे पवना धरण जलसाठ्याच्या दृष्टीने अत्यंत महत्वाचे आहे. पवना धरणाची साठवण क्षमता सुमारे 10 टीएमसी आहे. धरणाचे बांधकाम 1963 मध्ये सुरू झाले होते आणि 1972 मध्ये संपले. पवना धरण 1,329 मीटर (4,360 फूट) लांब आणि 42.37 मीटर (139.0 फूट) उंच आहे. त्याची एकूण साठवण क्षमता 0.24 किमी (0.058 cu mi) आहे. ( Good news Heavy rains increased in Pavana Dam area 4 percent increase in water storage Pavana Rain Updates )
अधिक वाचा –
– मोठी बातमी ! वीज कंपनीच्या अधिकारी आणि कर्मचाऱ्यांच्या वेतनात वाढ – उपमुख्यमंत्री देवेंद्र फडणवीस
– तळेगाव येथे दहावीच्या गुणवंत विद्यार्थी आणि मुख्याध्यापकांचा सत्कार ; ‘आपल्याला आवडेल त्याच क्षेत्रात करियर करावं’ – भगवानराव साळुंखे
– मावळ तालुक्यात काँग्रेसकडून पदाधिकारी नियुक्तीचा सपाटा, युवक काँग्रेसमध्ये अनेक नव्या चेहऱ्यांना संधी