Devotees Bus Accident On Mumbai-Pune Expressway : एक अत्यंत दुर्दैवी आणि हृदयद्रावक घटना समोर आली आहे. उद्या (दि. 17 जुलै) रोजी असलेल्या आषाढी एकादशीनिमित्त पंढरपूर येथे पांडुरंगाचे दर्शन घेण्यासाठी निघालेल्या भाविकांच्या खासगी बसचा मुंबई – पुणे एक्सप्रेस वेवर अपघात झाला आहे. मुंबई-पुणे द्रुतगती महामार्गावर पनवेलपासून साडेपाच किलोमीटर अंतरावर खासगी बस आणि ट्रॅक्टरचा अपघात झाला, यात पाच जणांचा मृत्यू झाला आहे, तर अनेकजण गंभीर जखमी झालेत. ( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
प्राप्त माहितीनुसार, डोंबिवली येथील दोन ते तीन गावामधून एकूण चार बस पंढरपूरकडे निघाल्या होत्या. त्यातील एक बसच्या पुढे ट्रॅक्टर जात होता. अंधारात ट्रॅक्टर न दिसल्याने बसने ट्रॅक्टरला जोरदार धडक दिली आणि बस 20 फूट खाली कोसळली. यात बसमधले अनेक प्रवासी जखमी झाले. तर बसमधील तीन भाविक ठार झाले. सोबत ट्र्क्टरचेही मोठे नुकसान झाले असून ट्रॅक्टर मधले दोन प्रवासी मृत पावले आहेत. बस आणि ट्रॅक्चमधील अनेकजण जखमी असून त्यांच्यावर कामोठे येथे एमजीएम रुग्णालयात उपचार सुरू आहेत. वारकऱ्यांच्या बसचा अपघात झाल्याची दुर्घटना समजताच दुर्घटनेबद्दल शोक व्यक्त केला जात आहे. ( Devotees bus from Dombivli to Pandharpur met with an accident on Mumbai Pune Expressway 5 killed )
वारकऱ्यांच्या बस आणि ट्रॅक्टर यांच्यात झालेल्या अपघातातील मृत आणि जखमींचा तपशील ;
बसमधील मृत प्रवासी :
1. गुरुनाथ बाबू पाटील -70
2. रामदास नारायण मुकादम – 70
3. हंसाबाई हरी पाटील – 60
ट्रॅक्टरवरील मृत प्रवासी :
1. तर्वेज सल्लाउद्दीन अहमद -28
2. अनोळखी ईसम -27
अपघातात गंभीर जखमी झालेले भाविक –
1. बाबुराव धर्मा भोईर
2. बामा पोग्या भोईर
3. गणपत जोग्या मुकादम
4. संजय बाबुराव पाटील
5. सुमंत साळुंखे
किरकोळ जखमी प्रवासी – 38
उपचार न घेता सुस्थितीत असलेले प्रवासी – 5
आषाढी एकादशीसाठी डोंबिवलीहून पंढरपूरला निघालेल्या खासगी बसचा अपघात हृदयद्रावक आहे. अपघातात मृत्युमुखी पडलेल्यांना भावपूर्ण श्रद्धांजली अर्पण करतो. अपघातात जखमी झालेले वारकरी लवकरात लवकर बरे होवोत, हीच विठुरायाच्या चरणी प्रार्थना !
ओम शांती!#Accident #BusAccident #OmShanti
— Chandrakant Patil (@ChDadaPatil) July 16, 2024
अधिक वाचा –
– डॉ. विकेश मुथा यांचा ‘रोटरी क्लब ऑफ तळेगाव दाभाडे चॅलेंजर्स’कडून धन्वंतरी पुरस्काराने गौरव । Talegaon Dabhade
– ‘हे महादेवा शक्ती दे, लोहगडला मुक्ती दे’ , किल्ले लोहगडावरील अनधिकृत बांधकाम हटविण्याची मागणी, बजरंग दलाचा अल्टिमेटम । Lohgad Fort
– जागतिक साप दिन : मावळ तालुक्यात आढळतात 37 प्रकारचे साप, त्यातील 8 साप आहेत विषारी । World Snake Day
