Dainik Maval News : लोणावळ्यात पर्यटनाच्या नावाखाली हुल्लडबाजी करणाऱ्या आणि प्रशासनाच्या नियमांचे उल्लंघन करणाऱ्या पर्यटकांवर प्रशासनाने कारवाई केली आहे. भुशी धरण मार्गावर असलेल्या सहारा पुलाच्या पुढे असणाऱ्या तीन धबधब्यांच्या वरील बाजूस डोंगरकड्यावर जाण्यास पूर्णतः बंदी आहे. यासह लायन्स पॉईंट, टायगर पॉईंट, घुबड तलाव, भुशी धरण येथील निर्जन ठिकाणी किंवा धोकादायक धबधब्यावर, पाण्याच्या ठिकाणी जाण्यास मनाई करण्यात आली आहे. ( Forest department and police administration action against 48 tourists in Lonavla city area )
असे असतानाही मनाई आदेश धुडकावून धोकादायक रित्या डोंगर चढून जाऊन स्वतःचा जीव धोक्यात घालणाऱ्या 48 पर्यटकांवर आतापर्यंत वनविभाग आणि लोणावळा शहर पोलिसांनी कारवाई केली आहे. ( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
भुशी धरणावर झालेल्या अपघाताच्या पार्श्वभूमीवर तीन आठवड्यापूर्वी पुणे जिल्हाधिकारी यांनी स्वतः आदेश काढत धोकादायक पर्यटन स्थळांवर जाण्यास बंदी घातलेली आहे. यातच सहारा पुलाच्या समोरच्या बाजूला असलेल्या तीन छोट्या धबधब्याच्या वरच्या बाजूला जाण्यासाठी पूर्णवेळ तसेच इतर काही पर्यटन स्थळांवर ठिकाणी जाण्यास सायंकाळी 6 नंतर पूर्णपणे प्रतिबंध घालण्यात आला आहे.
- पोलिस, वनखाते फलक लावून, लाऊडस्पीकरवरून तशा सूचना पर्यटकांना देत असतात. मात्र तरीही या सुचनांकडे कानाडोळा करून अनेक अतिउत्साही पर्यटक नको ते धाडस करायला जातात. त्यामुळे आता या अशा नाठाळ पर्यटकांवर थेट कारवाई करण्याचे पाऊल पोलीस प्रशासन आणि वनखात्याने उचलले असून भारतीय न्याय संहीता 2023 चे कलम 223 प्रमाणे या पर्यटकांवर कारवाई केली जात आहे.
मागील आठवड्यात 17 पर्यटकांवर कारवाईचा बडगा उगारल्या नंतर लोणावळा उपविभागीय पोलीस अधिकारी आयपीएस सत्यसाई कार्तिक मार्गदर्शनाखाली तसेच लोणावळा शहर पोलीस निरीक्षक सुहास जगताप यांच्या नेतृत्वाखाली वरील प्रतिबंधित क्षेत्रात आढळून आलेल्या पर्यटकांवर या आठवड्याच्या शुक्रवार, शनिवार आणि रविवार असे तीनही दिवस सलग कारवाया करण्यात आल्या. शुक्रवारी 24, शनिवारी 5 तर रविवारी 2 अशा एकूण 31 जणांवर कारवाई करण्यात आली.
अधिक वाचा –
– शिळींब सोसायटीच्या तज्ञ संचालकपदी भगवान दरेकर ; चेअरमन, व्हाइस चेअरमन पदाधिकाऱ्यांची देखील बिनविरोध निवड । Maval News
– पवना धरण 50 टक्के भरले ! मावळवासियांसह पिंपरी-चिंचवड शहरातील नागरिकांसाठी आनंदाची बातमी । Pavana Dam Rain Updates
– मराठा समाजाच्या विद्यार्थ्यांना मोठा दिलासा ! जरांगेंच्या उपोषणाचा तिसरा दिवस, मुख्यमंत्र्यांकडून एक मागणी मान्य
