Dainik Maval News : सरसेनापती उमाबाई दाभाडे नागरी सहकारी पतसंस्थेच्या वार्षिक सर्वसाधारण सभेत तळेगाव दाभाडे शहर पत्रकार संघाचे अध्यक्ष, ज्येष्ठ पत्रकार मनोहर दाभाडे यांना आदर्श पत्रकार म्हणून पुरस्कार देण्यात आला. ( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
संस्थेची वार्षिक सर्वसाधारण सभा माळवाडी येथे चेअरमन सुनील दाभाडे यांच्या अध्यक्षतेखाली माऊली मंगल कार्यालय मध्ये संपन्न झाली. यावेळी मावळचे आमदार सुनील शेळके, सहकार महर्षी माऊली दाभाडे, पुणे जिल्हा बँकेचे माजी अध्यक्ष रेवनाथ दारवटकर, संचालक दत्तात्रय येळे, स्वाभिमानी रिपब्लिकन पक्षाचे राष्ट्रीय अध्यक्ष रमेश साळवे, माजी नगराध्यक्ष अंजलीराजे दाभाडे, रवींद्र दाभाडे, माजी उपनगराध्यक्ष गणेश काकडे, नगरसेवक संतोष दाभाडे,सुरेश दाभाडे सह संचालक मंडळ व सभासद मोठ्या संख्येने उपस्थित होते.
अहवाल वाचन संस्थेच्या व्यवस्थापिका रूपाली दाभाडे यांनी केले. यावेळी सभासदांना आठ टक्के लाभांश जाहीर केला. संस्थेकडून यावर्षी प्रथमतः विविध क्षेत्रात काम करणाऱ्या मान्यवरांचा सरसेनापती उमाबाई दाभाडे पुरस्कार देऊन सन्मान करण्यात आला यामध्ये कृषीनिष्ठ पुरस्कार- गोरक्षनाथ दाभाडे, सांप्रदायिक पुरस्कार- भिमाजी दाभाडे, यशस्वी उद्योजक पुरस्कार – निलेश दाभाडे, कलाक्षेत्रातील पुरस्कार- एड. विनय दाभाडे, सामाजिक क्षेत्रातील पुरस्कार -मधुकर घारे, तर पत्रकारितेतील आदर्श पत्रकार पुरस्कार- मनोहर दाभाडे यांना प्रदान करण्यात आला. तसेच यावेळी गुणवंत विद्यार्थ्यांचा देखील सन्मान करण्यात आला.
यावेळी सहकार महर्षी माऊली दाभाडे,आमदार सुनील शेळके यांनी मनोगत व्यक्त करून शुभेच्छा दिल्या.स्वागत सूत्रसंचालन बजरंग जाधव यांनी केले.प्रास्ताविक चेअरमन सुनील दाभाडे यांनी केले.आभार बाळासाहेब राजाराम दाभाडे यांनी केले.
अधिक वाचा –
– धक्कादायक ! पैशांच्या उधारीवरून झालेल्या वादातून तरुणाचा खून, तळेगाव एमआयडीसी हद्दीतील घटना । Talegaon Crime
– शेतकऱ्याला लोखंडी रॉडने मारहाण, जांभवडे परिसरातील घटना । Maval Crime
– विजेच्या लपंडावामुळे त्रस्त टाकवे बुद्रुकचे ग्रामस्थ ; महावितरणच्या कार्यालयाला टाळे ठोकण्याचा इशारा । Maval News
