Dainik Maval News : शिक्षण क्षेत्रात प्रसिद्ध असलेल्या रायगड जिल्ह्यातील खालापूर तालुका शिक्षण प्रसारक मंडळाच्या नवीन विधी महाविद्यालयाची सुरुवात खोपोली शहरात झाली आहे. शुक्रवारी 2024-2025 या शैक्षणिक वर्षात प्रवेश केलेल्या विधी महाविद्यालयातील पहिल्या बॅचच्या विद्यार्थ्यांचे मोठ्या जल्लोषात स्वागत करण्यात आले.
कार्यक्रमाच्या प्रारंभी सरस्वती पूजन करुन अध्यक्ष संतोष जंगम यांनी सर्व विद्यार्थ्यांचे स्वागत केले. विधी महाविद्यालय सुरू करण्याची संकल्पना मांडण्यापासून ते प्रस्ताव बनविणे, पाठपुरावा करणे आणि मुंबई विद्यापीठाकडून तीन वर्षांच्या एलएलबी अभ्यासक्रमासाठी परवानगी मिळणे इथपर्यंतचा प्रवास त्यांनी सांगितला. तर, बार काउन्सिलची परवानगी मिळवून शेवटच्या फेरीत महाविद्यालय सुरु झाले, यात संस्थेचे मोठे योगदान असल्याचे प्राचार्य प्रशांत माने यांनी सांगितले.
खोपोलीतील बी.एल. पाटील तंत्रनिकेतनच्या सभागृहात आयोजित कार्यक्रमाला मंडळाचे अध्यक्ष संतोष जंगम, उपाध्यक्ष अबू जळगांवकर, जनता विद्यालयाचे अध्यक्ष कैलास गायकवाड, विधी महाविद्यालयाचे अध्यक्ष नरेंद्र शहा, सावरोली शाळेचे अध्यक्ष चंद्रकांत केदारी, छत्रपती विद्यालयाचे अध्यक्ष भास्कर लांडगे हे प्रमुख पाहुणे म्हणून उपस्थित होते.
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
अधिक वाचा –
– मोठी बातमी ! निवडणूक आचारसंहिता लागू असल्याने अग्नीशस्त्रे, हत्यारे, दारूगोळा जवळ बाळगण्यास प्रतिबंधात्मक आदेश जारी
– शिरोता वनपरिक्षेत्र अधिकारी पदी सोमनाथ ताकवले यांची नियुक्ती, एस.डी. वरक यांच्याकडून स्वीकारला कार्यभार
– रेल्वेत हरवलेली बॅग पुन्हा हाती आली आणि तीचे दुःख हरवले ! रेल्वे पोलीस अनिता रायबोले यांना सॅल्यूट