Dainik Maval News : जनतेचा विकास हा अजेंडा ठेवून काम केलं तर कोणाला धमक्यांचे फोन करण्याची वेळ विरोधकांवर येणार नाही. ‘सुनील शेळके’ हा एकच अजेंडा ठेवून काम करू नका, या शब्दांत मावळ विधानसभा मतदारसंघातील राष्ट्रवादी काँग्रेस- भाजप- शिवसेना- आरपीआय- स्वाभिमानी रिपब्लिकन पक्ष महायुतीचे अधिकृत उमेदवार सुनील शेळके यांनी विरोधकांना चांगलेच ठणकावले.
पवन मावळ पुर्व विभागातील गावांचा आयोजित करण्यात आलेल्या विजयी संकल्प मेळाव्यात ते बोलत होते. त्यावेळी मावळ तालुका राष्ट्रवादी काँग्रेसचे अध्यक्ष गणेश खांडगे, राष्ट्रवादी महिला काँग्रेसच्या अध्यक्ष दिपाली गराडे, एकविरा देवस्थानचे विश्वस्त दिपक हुलावळे,राष्ट्रवादी काँग्रेसचे माजी तालुकाध्यक्ष गणेश अप्पा ढोरे, विठ्ठलराव शिंदे,साहेबराव कारके, तसेच नीलेश राक्षे, छाबन कडू,रामदास कलाटे, एसआरपीचे तालुकाध्यक्ष बबन ओव्हाळ आदी मान्यवर उपस्थित होते.
मेळाव्यात शेळके पुढे म्हणाले, “ विरोधात काम करणाऱ्यांकडे विकासाचे व्हिजन नाही, अजेंडा नाही अशा लोकांनी जनतेला गृहीत धरु नये.ये पब्लिक है ये सब जानती है.” गेल्या पाच वर्षांत ध्येयाने झपाटून आमदार म्हणून केलेले काम संपूर्ण तालुक्याने पाहिलेले आहे. केलेल्या कामाची पावती मावळची मायबाप जनता आपल्याला नक्की देईल, असा विश्वास शेळके यांनी व्यक्त केला.
बेबेड ओहोळ पंचक्रोशीतील महायुतीचे पदाधिकारी व कार्यकर्ते तसेच ग्रामस्थ मोठ्या संख्येने मेळाव्यास उपस्थित होते. सुनील शेळके यांना एक लाखापेक्षा अधिक मताधिक्याने निवडून आणण्यासाठी पूर्ण क्षमतेने काम करण्याचा संकल्प या मेळाव्यात करण्यात आला.
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअ‍ॅप चॅनेलवर )
अधिक वाचा –
– काँक्रीटीकरण व रुंदीकरणामुळे वडगाव मावळची बाजारपेठ झाली सुसज्ज ! Vadgaon Maval
– पवन मावळ विभागातून बापूसाहेब भेगडे यांच्या प्रचार बैठकांना उदंड प्रतिसाद । Bapu Bhegade
– पवनानगर येथील विजयी संकल्प मेळाव्यात सुनिल शेळके यांना विक्रमी मताधिक्य देण्याचा निर्धार ; नागरिकांची तोबा गर्दी
