Dainik Maval News : मावळ विधानसभा मतदारसंघातील तळेगाव दाभाडे शहरात निवडणुकीदरम्यान शांतता व सुव्यवस्था राहावी म्हणून पिंपरी चिंचवड आयुक्तालयाच्या वतीने 27 पोलीस अधिकारी व 380 कर्मचारी यांनी रूट मार्चद्वारे शक्ती प्रदर्शन केले. मावळ विधानसभेतील दोन्ही प्रमुख उमेदवार हे तळेगाव दाभाडे शहरात वास्तव्यास आहेत. त्यासाठी दक्षता म्हणून पोलीस यंत्रणेकडून रूटमार्च काढण्यात आला.
सदर रूटमार्चची सुरुवात तळेगाव दाभाडे पोलीस स्टेशन पासून झाली. त्यानंतर गाव भागात मारुती मंदिर चौक, राजेंद्र चौक, गणपती चौक, शाळा चौक, जिजामाता चौक येथून पुढे तळेगाव स्टेशन भागात करण्यात आला. रुट मार्चचा समारोप तळेगाव स्टेशन येथील एसटी आगार येथील मैदानात झाला.
रूटमार्चमध्ये पिंपरी चिंचवड पोलीस उपआयुक्त परिमंडल २ चे विशाल गायकवाड, सहाय्यक पोलीस आयुक्त देहूरोड विभाग सतीश कुराडे, तळेगाव दाभाडे पोलीस स्टेशनचे वरिष्ठ पोलीस निरीक्षक प्रदीप रायण्णावर तसेच इतर २७ पोलीस अधिकारी व ३८० पोलीस अंमलदार आणि प्यारा मिलिटरी फोर्स सहभागी झाले होते.
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
अधिक वाचा –
– श्री संत तुकाराम सहकारी साखर कारखान्याचा 27 वा गव्हाणपूजन व मोळी पूजन समारंभ उत्साहात संपन्न
– ‘सुनील जी आप जरूर जितोगे’ , पंतप्रधान नरेंद्र मोदींचा आमदार सुनिल शेळकेंना आशीर्वाद ! ‘विजयी भव’ म्हणत दिल्या शुभेच्छा
– बापूसाहेब भेगडे यांचे राष्ट्रवादी काँग्रेस पक्षातून निलंबन, सुनिल शेळकेंविरोधात बंडखोरी केल्याने कारवाई । Maval News
