Dainik Maval News : मंगळवारी (दि.12 नोव्हेंबर) रोजी सायंकाळी चार वाजताच्या सुमारास वडगावातील दत्त मंदिराच्या पाठीमागील बाफना यांच्या नर्सरीमध्ये एका अनोळखी महिलेचा मृतदेह आढळून आला होता. वडगाव मावळ पोलिसांना याची माहिती मिळताच पोलिसांनी घटनास्थळी धाव घेत तपास सुरु केला. अवघ्या दोन तासात मृत महिलेचे ओळख पटविण्यात आली आणि मयताचे नातेवाईक निष्पन्न करुन अधिकचा तपास करीत आरोपीला अटक करण्यात आली आहे.
पोलिसांनी दिलेल्या माहितीनुसार, याप्रकरणी फिर्यादी राजकरण महोदव कुशवाह (वय 45 वर्षे, रा. वडगांव मावळ, मुळ रा. जिल्हा रिवा, मध्यप्रदेश) यांनी वडगाव मावळ पोलिसांत याप्रकरणी फिर्याद दिली आहे. मृत महिला ही फिर्यादीची पत्नी असून राजकरण कुशवाह याच्या फिर्यादीवरून पोलिसांनी मृत महिलेचा खून केल्याप्रकरणी आरोपी सलीमखान उर्फ साईबाबा नासिर खान (वय 35 वर्षे, रा. वडगांव मावळ) याला अटक केली आहे. मंगळवारी (दि.१२) रोजी सकाळी ७ ते सायंकाळी सव्वाचारच्या दरम्यान हा प्रकार घडला.
पोलिसांनी दिलेल्या माहितीनुसार, सदर आरोपीवर यापूर्वी नागपाडा पोलीस स्टेशन, मुंबई येथे 2007 साली खुनाचा गुन्हा दाखल करण्यात आला असून त्यात आरोपीला शिक्षा झाली होती. सदर आरोपी मार्च 2022 मध्ये बाहेर आला असल्याची माहिती पोलिसांनी दिली आहे. आरोपीला न्यायालयात हजर करण्यात आले असून आरोपीची 18 नोव्हेंबर पर्यंत पोलीस रिमांड मंजूर करण्यात आली आहे. तसेच एपीआय डोईजड हे प्रकरणाचा अधिकचा तपास करीत आहेत.
पोलीस अधीक्षक पंकज देशमुख, अपर पोलीस अधीक्षक रमेश चोपडे, उपविभागीय पोलीस अधीक्षक राजेंद्र मायने यांच्या नेतृत्वाखाली पोलीस निरीक्षक कुमार कदम, एपीआय शितलकुमार डोईजड, पीएसआय सांगळे, पीएसआय ऋतुजा मोहिते, पीएसआय सुनील जावळे, हेडकॉन्स्टेबल सचिन देशमुख, सचिन गायकवाड, संजय सुपे, आशिष काळे, गणपत होले सचिन काळे, विशाल जांबळे, पोलीस शिपाई संपत वायाळ, विठ्ठल पतुरे, चेतन कुंभार, गणेश होळकर, संजय बगाड, प्रतीक राक्षे, प्रफुल गोरे, देविदास भांगे, किरण ढोले तसेच पोलीस स्टेशनच्या सर्व स्टाफ अतिशय शिताफीने तपास करुन कमी वेळेत गुन्हा उघड करून आरोपीला अटक केली आहे.
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
अधिक वाचा –
– मुंबई-पुणे द्रुतगती मार्गावर चार वाहनांचा विचित्र अपघात ; चालक जागीच ठार । Accident On Mumbai Pune Expressway
– ‘मी कधीही श्रेय घेतलं नाही, विकासकामांचे भूमिपूजन – उद्घाटन देखील ज्येष्ठांच्या महिलांच्या हस्तेच केलंय’ – आ. शेळके
– विकास केलाय मग जनतेला विमान प्रवासाचे प्रलोभन का दाखवताय? बापूसाहेब भेगडेंची आमदार शेळकेंवर टीका
