Dainik Maval News : मी मावळ तालुक्यासाठी ४,१५८ कोटींचा विकास निधी आणून दाखवला, तुम्ही निदान ८,००० कोटींचा निधी आणण्याचा शब्द तरी मावळच्या जनतेला द्या, असे खुले आव्हान मावळ विधानसभा मतदारसंघातील महायुतीचे उमेदवार आमदार सुनील शेळके यांनी विरोधकांना दिले. ही निवडणूक जनतेच्या विकासाची आहे. महायुतीला मत म्हणजे विकासाला मत होय, असे आमदार शेळके म्हणाले.
आमदार शेळके यांनी मंगळवारी नवलाख उंब्रे, बधलवाडी, परिटवाडी, जाधववाडी, मिंडेवाडी व सुदुंबरे या गावांचा प्रचारदौरा करीत जनसंवाद साधला. त्यावेळी ते बोलत होते. ठिकठिकाणी वाजत-गाजत मिरवणुकीने, पुष्पवृष्टी करीत, फटाके वाजवून त्यांचे उत्स्फूर्त स्वागत करण्यात आले.
परिटवाडीत साडेनऊ कोटींची विकासकामे
परिटवाडीतील विकासकामांसाठी आपण तब्बल साडेनऊ कोटी रुपयांचा निधी उपलब्ध करून दिल्याचे आमदार शेळके यांनी सांगितले. निवडणुकीनंतर गावच्या मंदिरासाठी देखील भरीव मदत करण्याचा शब्द शेळके यांनी यावेळी दिला. त्यावेळी तुकाराम पापळ, संदीप पापळ, भगवान बदले, सागर जाधव आदी मान्यवरांसह महायुतीचे पदाधिकारी, कार्यकर्ते व ग्रामस्थ मोठ्या संख्येने उपस्थित होते.
जाधववाडीत मताधिक्याचा निर्धार
जाधववाडी येथेही आमदार शेळके यांचे जंगी स्वागत करण्यात आले. त्यावेळी अर्जुन जाधव, सोसायटीचे अध्यक्ष तानाजी जाधव, उपाध्यक्ष बबन जाधव, प्रसिद्ध गडा मालक किरण जाधव, उद्योजक चंद्रकांत जाधव, ग्रामपंचायात सदस्य गोरख काळोखे तसेच मनोहर जाधव, मुरली जाधव, राजू जाधव आणि महायुतीचे पदाधिकारी, कार्यकर्ते व ग्रामस्थ मोठ्या संख्येने उपस्थित होते. यावेळी जाधववाडीत आमदार शेळके यांना विक्रमी मताधिक्य मिळवून देण्याचा निर्धार उपस्थित ग्रामस्थांनी केला.
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअ‍ॅप चॅनेलवर )
अधिक वाचा –
– तळेगाव दाभाडे शहरात पोलिसांचा रूट मार्च ; मावळ विधानसभेचे प्रमुख उमेदवार तळेगाव शहरात असल्याने विशेष दक्षता
– मुंबई-पुणे द्रुतगती मार्गावर चार वाहनांचा विचित्र अपघात ; चालक जागीच ठार । Accident On Mumbai Pune Expressway
– ‘मी कधीही श्रेय घेतलं नाही, विकासकामांचे भूमिपूजन – उद्घाटन देखील ज्येष्ठांच्या महिलांच्या हस्तेच केलंय’ – आ. शेळके
