Dainik Maval News : मावळ विधानसभा मतदारसंघातून कोण विजयी होणार ? या प्रश्नाचे उत्तर अवघ्या काही तासात मिळणार आहे. परंतु जोवर मतमोजणी सुरु होत नाही, तोवर अंदाज आणि कौल यांचा पाऊस पडत आहे. अशात विद्यमान आमदार सुनिल शेळके यांच्या समोर तगडे आव्हान उभे केलेले बापूसाहेब भेगडे हे विजयी होणार असतील तर कोणत्या कारणामुळे ते विजयी होतील, हे माहिती असणे आवश्यक आहे. दैनिक मावळने घेतलेल्या आढाव्यात असे पाच प्रमुख मुद्दे आमच्या हाती आले आहेत, ज्यामुळे बापूसाहेब भेगडे हे विजयी होऊ शकतात.
क्रमांक 1 – शेळके विरोधकांची एकजुट
संपूर्ण निवडणुकीत बापूसाहेब भेगडे यांच्या बाजूचा सर्वात मोठा आणि आधाराचा मुद्दा जर कोणता राहिलाय, तर तो म्हणजे सुनिल शेळके यांच्या विरोधातील सर्व नेतेगण हे बापूसाहेब भेगडे यांच्या पाठीशी उभे राहिलेत. महत्वाचे म्हणजे तालुक्याच्या राजकारणात नेहमी एकमेकांच्या विरोधात राहिलेले अनेक दिग्गज पुढारी बापूसाहेब भेगडेंसाठी एकत्र आले होते. ती ताकद बापू भेगडेंना मिळाली.
क्रमांक 2 – राष्ट्रवादीच्या जुण्या जाणत्या कार्यकर्त्यांची साथ
बापूसाहेब भेगडे हे राष्ट्रवादी काँग्रेस पक्षाचे जुणे जाणते नेते. तालुक्याच्या राजकारणात गेली पंचवीस तीस वर्षे स्वतः बापूसाहेब भेगडे हे राष्ट्रवादी काँग्रेस पक्षात काम करीत आहेत. त्यामुळे तालुक्यात राष्ट्रवादी काँग्रेसच्या कार्यकर्त्यांची फळी निर्माण करण्याचे काम बापूसाहेब भेगडेंनी केले. पक्षाचे हे जुणे कार्यकर्ते बापूसाहेब भेगडेंच्या पाठीशी उभे राहिल्याचे चित्र दिसून आले.
क्रमांक 3 – माजी मंत्र्यांची साथ, नेत्यांची फळी
मावळ विधानसभेची ही लढत रंगतदार होण्याचे कारण म्हणजे बापूसाहेब भेगडे यांच्या सोबत आलेले तालुक्याचे माजी आमदार तथा माजी मंत्री. माजी राज्यमंत्री बाळा भेगडे, माजी राज्यमंत्री मदन बाफना आणि माजी आमदार कृष्णराव भेगडे तसेच निवडणुकांचा अनुभव असणारे चंद्रकांत सातकर या सर्वांची साथ बापूसाहेब भेगडेंना मिळाली ही त्यांची जमेची बाजू राहिली.
क्रमांक 4 – महाविकासआघाडीचा पाठींबा
काही महिन्यांपूर्वी झालेल्या लोकसभा निवडणुकीत मावळ लोकसभा मतदारसंघातील मावळ विधानसभा मतदारसंघात महाविकासआघाडीची ताकद दिसून आली होती. ही संपूर्ण ताकद यंदा विधानसभेला बापूसाहेब भेगडेंच्या पाठीशी होती. मविआतील तिन्ही घटकपक्षांनी आपला पाठींबा भेगडे यांना देत त्यांच्यासाठी काम केले होते.
क्रमांक 5 – जनतेचा चांगला प्रतिसाद
महायुतीचे उमेदवार सुनिल शेळके हे ज्याप्रमाणे मतदारसंघात प्रचार करीत होते. त्याप्रमाणेच बापूसाहेब भेगडे हेही मतदारसंघात प्रचार करीत होते. साधारण वीस ते बावीस दिवस बापूसाहेब भेगडे यांनी मावळात प्रचार केला. या संपूर्ण प्रचार कालावधीत बापूसाहेब भेगडे यांना मतदार आणि नागरिकांचा चांगला प्रतिसाद मिळाल्याचे दिसून आले.
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
अधिक वाचा –
– महत्वाची बातमी : निकाल ऐकायला तळेगावात येणाऱ्या कार्यकर्त्यांच्या पार्किंग व्यवस्थेत बदल, लगेच पाहा । Maval Vidhan Sabha
– महाराष्ट्र विधानसभा निवडणूक मतदान प्रक्रिया यशस्वीरित्या पूर्ण, मतमोजणीसाठी यंत्रणा सज्ज, वाचा अधिक
– बापूआण्णा की सुनीलआण्णा, मावळात कुठल्या आण्णाचं पारडं ठरतंय जड ? पाहा काय आहे कौल । Maval Vidhan Sabha
