Dainik Maval News : सलग दुसऱ्यांदा दीड लाखाहून अधिक मते मिळवित आणि सलग दुसऱ्यांदा विक्रमी विजय संपादित करीत सुनिल शेळके हे आता राज्यातील एक दमदार आमदार म्हणून समोर आले आहे. अजित पवार यांच्या पेक्षाही यंदाच्या निवडणुकीत सुनिल शेळके यांना अधिकचे मताधिक्य मिळाले आहे. शेळके यांचा परफॉर्मन्स पाहता आणि राज्यातील त्यांची लोकप्रिय प्रतिमा पाहता राष्ट्रवादी काँग्रेस पक्षाच्या माध्यमातून महायुतीच्या सरकारमध्ये सुनील शेळकेंची मंत्रिपदी वर्णी लागू शकते अशी जोरदार चर्चा सुरु आहे.
महाराष्ट्र राज्य विधानसभेच्या निवडणुकीचा निकाल शनिवारी (दि.23) जाहीर झाला. या निवडणुकीत शिवसेना – भाजपा – राष्ट्रवादी आणि मित्र पक्षांच्या महायुतीने दैदिप्यमान असे यश मिळविले आहे. महायुतीच्या तब्बल 234 जागा निवडून आल्या आहेत. यात अजित पवार यांच्या राष्ट्रवादी काँग्रेस पक्षाचे एकूण 41 आमदार निवडून आले आहेत. त्यात सर्वाधिक मताधिक्याने सुनील शेळके हे विजयी झाले आहेत. त्यामुळे पक्षातील त्यांचे वजन वाढले आहे.
सुनिल शेळके यांनी मागील पाच वर्षांत अजित पवार यांचे विश्वासू म्हणून अजितदादांनी दिलेली प्रत्येक जबाबदारी नेटाने पार पाडली. निवडणुका, पोटनिवडणुका या जोमाने काम केले. संघटनात्मक पातळीवर देखील ते युवक आघाडीचे राज्य प्रभारी आहेत, संपूर्ण राज्यात शेळकेंची असलेली पॉझिटिव्ह प्रतिमा, सोबत त्यांची काम करण्याची ताकद, जनसंपर्क पाहता पक्षाकडून त्यांचे नाव मंत्रिपदासाठी चर्चेत येऊ शकते आणि त्यांच्या गळ्यात राज्य मंत्रिपदाची माळ पडू शकते, अशी चर्चा सध्या सुरु आहे.
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
अधिक वाचा –
– मावळात पुन्हा, सुनिल आण्णा… मावळ विधानसभेत सुनिल शेळके यांचा दणदणीत विजय ! Maval Vidhan Sabha Results Sunil Shelke wins
– अधिकृत निकाल जाहीर ! मावळ विधानसभा मतदारसंघातून महायुतीचे उमेदवार सुनिल शेळके विक्रमी मताधिक्यासह विजयी
– मावळ विधानसभा निकाल : प्रत्येक फेरीत शेळके आणि भेगडेंना किती मतदान झाले? पाहा 29 फेऱ्यांची अचूक आकडेवारी । Maval Vidhan Sabha
