Dainik Maval News : तळेगाव दाभाडे येथील अग्रगण्य पतसंस्था असलेल्या श्री डोळसनाथ नागरी सहकारी पतसंस्थेच्या अध्यक्षपदी शरद भोंगाडे यांची बिनविरोध निवड झाली आहे. यावेळी निवडणूक अधिकारी म्हणून मंदार कुलकर्णी यांनी काम पहिले. भोंगाडे यांच्या निवडीनंतर पतसंस्थेचे संस्थापक बबनराव भेगडे यांच्या हस्ते शरद भोंगाडे यांचा व नवनिर्वाचित पदाधिकाऱ्यांचा सन्मान करण्यात आला.
नूतन कार्यकारिणीत अध्यक्ष शरद भोंगाडे, उपाध्यक्ष समीर भेगडे, विकास कंद, खजिनदार अमित भसे, सचिव अतुल राऊत, संचालक अंकुश आंबेकर, राहुल पारगे, आशीष खांडगे, संध्या देसाई, मेघा भेगडे, अनिल पवार, शंकर भेगडे, वैभव भेगडे, विजय भेगडे, प्रवीण मुन्हे, दत्तात्रय भेगडे, अरविंद गद्रे, राकेश खळदे, दिनकर भेगडे, अभिषेक मराठे सल्लागार बबनराव भोंगाडे, शाळीग्राम भंडारी, महेशभाई शहा, विलास भेगडे, चंद्रजीत वाघमारे, संजय ओसवाल यांचा समावेश आहे.
सर्व संचालकांनी संस्थेच्या कामकाजात जास्तीत जास्त वेळ देऊन संस्था वाढीसाठी प्रयत्न करावेत, असे बबनराव भेगडे यांनी सांगितले. यावेळी संस्थेच्या कामकाजाविषयी प्रगतीचा आढावा मांडण्यात आला. संस्थेची सभासद संख्या 4750, एकूण आर्थिक उलाढाल 164 कोटी, ठेवी 42 कोटी, कर्ज वाटप 31 कोटी, गुंतवणूक 11 कोटी आहे. तसेच संस्थेचे पुणे जिल्हा हे कार्यक्षेत्र असून सोमाटणे फाटा, देहू आणि कामशेत या ठिकाणी शाखा चालू असून लवकरच विस्तारित कक्ष तळेगाव दाभाडे या ठिकाणी होईल.
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
अधिक वाचा –
– श्री खंडोबा देवाच्या सोमवती यात्रेच्या अनुषंगाने सोमवारी 30 डिसेंबर रोजी वाहतूक मार्गात मोठा बदल – जाणून घ्या
– थर्टी फर्स्ट, नववर्षाच्या स्वागतासाठी पवना धरण परिसरात येण्याचा प्लॅन करताय ? आधी ही बातमी वाचा । Pavana Nagar News
– विजयस्तंभ अभिवादन कार्यक्रमानिमित्त पुणे जिल्ह्यातील वाहतुकीत मोठा बदल ; पाहा कोणते मार्ग बंद, कोणते सुरु
