Dainik Maval News : तळेगाव दाभाडे नगरपरिषदेमार्फत शहरातील कचऱ्याचे व्यवस्थापन अधिक प्रभावी करण्यासाठी जमा झालेल्या कचऱ्यातील नारळ वेगळे करून मोरखळा कचरा डेपो येथे कोकोपीट तयार करण्याचे काम यशस्वीरीत्या सुरू करण्यात आल्याची माहिती मुख्याधिकारी विजयकुमार सरनाईक व उपमुख्याधिकारी ममता राठोड यांनी दिली.
सदर उपक्रमामध्ये जमा झालेल्या कचऱ्यातील नारळ वेगळे करून मोरखळा कचरा डेपो येथे कोकोपीट तयार करण्याचे काम यशस्वीरीत्या सुरू झाले आहे. दररोज प्राप्त होणारे नारळ श्रेडर मध्ये क्रश करून बारीक करण्यात येतात. यामध्ये कोकोपीटचे फायदे देखील नमूद केले आहे. या खताच्या वापरामुळे मातीची गुणवत्ता सुधारते, मातीतील आर्द्रता टिकवून ठेवणे व तिच्या हवेच्या व पाण्याच्या वहन क्षमतेत सुधारणा करते, पाणी साठवण्याची क्षमता चांगली असल्याने कमी पाण्यात पीक उगवता येते. सेंद्रिय आणि पर्यावरणपूरक असल्याने कोकोपीट पर्यावरणास अनुकूल रहाते.
तयार झालेले कोकोपीट हे नगरपरिषद उद्यान विभागामार्फत शहरातील उद्यानांमध्ये साध्या खत म्हणून वापरले जात आहे. तसेच उर्वरित कोकोपीट नागरिकांना विक्रीसाठी उपलब्ध करून देण्यात येणार आहे. इच्छुक नागरिकांनी नगरपरिषद कार्यालय मोरखळा येथील घनकचरा व्यवस्थापन प्रकल्प केंद्राला संपर्क करावा असे आवाहन प्रशासनाकडून करण्यात आले आहे.
अनेक लोक झाडांच्या वाढीसाठी विविध प्रकारची खते वापरतात, पण झाडाची वाढ होत नाही. अनेक वेळा रासायनिक खतांच्या वापरामुळे झाडे मरतात. अशा परिस्थितीत जर झाडाची वाढ वाढवायची असेल तर तुम्ही कोकोपीट खताचा वापर करू शकता. कोकोपीट हे नारळाच्या शेंड्यापासून तयार केले जाते. याला कॉयर म्हणूनही ओळखले जाते. झाडाच्या वाढीसाठी या खतामध्ये इतर काही पोषक घटकही मिसळले जातात.
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअ‍ॅप चॅनेलवर )
अधिक वाचा –
– श्री खंडोबा देवाच्या सोमवती यात्रेच्या अनुषंगाने सोमवारी 30 डिसेंबर रोजी वाहतूक मार्गात मोठा बदल – जाणून घ्या
– थर्टी फर्स्ट, नववर्षाच्या स्वागतासाठी पवना धरण परिसरात येण्याचा प्लॅन करताय ? आधी ही बातमी वाचा । Pavana Nagar News
– विजयस्तंभ अभिवादन कार्यक्रमानिमित्त पुणे जिल्ह्यातील वाहतुकीत मोठा बदल ; पाहा कोणते मार्ग बंद, कोणते सुरु
