Dainik Maval News : विद्यार्थ्यांसाठी महापुरुषांची चरित्रे आणि विचार दिशादर्शक ठरतात. विद्यार्थ्यांनी महापुरुषांची चरित्र वाचले पाहिजेत. महापुरुषांचे विचार विद्यार्थ्यांच्या व्यक्तिमत्व विकासात मोलाचे ठरतात, असे प्रतिपादन यशदाचे व्याख्याते प्रा. विवेक गुरव यांनी केले.
श्री संत तुकाराम शिक्षण प्रसारक मंडळाच्या कला, वाणिज्य, बी.बी.ए. महाविद्यालय वडगाव मावळ या महाविद्यालयाच्या राष्ट्रीय सेवा योजनेच्या विशेष श्रमसंस्कार शिबिरात ते बोलत होते. नागाथली (ता. मावळ) येथे हे शिबिर दिनांक 23 डिसेंबर ते 29 डिसेंबर या कालावधीत आयोजित करण्यात आले होते.
शिबिरात प्रसिद्ध शिवव्याख्याते संपत गारगोटे यांनी छत्रपती संभाजी महाराज या विषयावर विचार मांडले. प्रा. सोमनाथ कसबे यांनी युवकांपुढील आव्हाने या विषयावर विचार मांडले. शिबिरामध्ये विद्यार्थ्यांनी गावाचा परिसर, गावातील रस्ते स्वच्छ केले तसेच विविध प्रबोधनात्मक आणि अंधश्रद्धा निर्मूलन या विषयांवर पथनाट्य सादर केली.
शिबिराच्या समारोपप्रसंगी संस्थेचे संचालक राज खांडभोर यांनी विद्यार्थ्यांना मार्गदर्शन केले. याप्रसंगी संस्थेचे अध्यक्ष तुकाराम आसवले, सचिव अशोक बाफना, उपाध्यक्ष बंडोबा मालपोटे, दत्ताभाऊ असवले, प्राचार्य अशोक गायकवाड उपस्थित होते. महाविद्यालयाच्या राष्ट्रीय सेवा योजनेच्या कार्यक्रम अधिकारी प्रा. रोहिणी चंदनशिवे यांनी सूत्रसंचालन केले. प्रा. डॉ. जया धावरे यांनी आभार मानले. अनेक विद्यार्थ्यांनी आपली मनोगते व्यक्त केली.
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
अधिक वाचा –
– मावळ तालुका पिंपरी-चिंचवड पोलीस आयुक्तालयाशी जोडला जाणार ; वडगाव, कामशेत, लोणावळा ठाण्यांबाबत प्रस्ताव सादर
– मराठी शाळा स्मार्ट व डिजिटल बनविणे काळाची गरज ; परांजपे विद्या मंदिर शाळेला डिजिटल इंटरॅक्टिव्ह स्मार्ट बोर्ड भेट
– तळेगाव दाभाडे शहरातील 350 वर्षे पुरातन बामणडोह विहिरीचे होणार संवर्धन, प्रत्यक्ष कामाला सुरुवात । Talegaon News
