Dainik Maval News : मावळ तालुक्यातील प्रादेशिक पाणी पुरवठा योजनांच्या कामांचा आढावा घेण्यासाठी महाराष्ट्र जीवन प्राधिकरण विभागाचे अधिकारी यांच्या दालनात आमदार सुनील शेळके यांच्या उपस्थितीत विशेष आढावा बैठक पार पडली. यावेळी आमदार शेळके यांसह महाराष्ट्र जीवन प्राधिकरणचे कार्यकारी अभियंता, स्थानिक लोकप्रतिनिधी, योजनांच्या कामांचे ठेकेदार उपस्थित होते.
बैठकीत विविध प्रादेशिक पाणी पुरवठा योजनांचा आढावा घेण्यात आला. प्रामुख्याने डोंगरगाव – कुसगाव योजनेच्या ठेकेदारास पुढील 8 ते 10 दिवसात उर्वरित पाईपलाईनचे कामासह टाकीच्या गळतीचे काम पूर्ण करण्याबाबतचे आदेश देण्याबाबत अधिकाऱ्यांना सूचना देण्यात आल्या. त्याचप्रमाणे या योजनेस टाटा धरणातून कमी प्रमाणात पाणी पुरवठा होत असल्याने सदर बाबतीत टाटा पॉवर कंपनीच्या अधिकाऱ्यांशी चर्चा करून आवश्यक पाणी पुरवठा सोडण्याबाबत कार्यवाही करण्यात येईल, असे निश्चित करण्यात आले.
- पाटण व आठ गावांच्या प्रादेशिक पाणी पुरवठा योजनेत वनविभाग, सार्वजनिक बांधकाम विभाग व खासगी मालकी क्षेत्रामुळे रखडलेल्या पाईपलाईनचे कामाबाबत संबंधित विभागाशी चर्चा करून पुढील चार दिवसात काम सुरु करण्याबाबत सूचना करण्यात आल्या.
कार्ला प्रादेशिक पाणी पुरवठा योजनेतील वलवण येथील पंप हाऊसचे काम तत्काळ सुरु करून उर्वरित वितरण व्यवस्था व टाकीचे काम लवकरात लवकर पूर्ण करण्याबाबत सूचना संबंधितांना दिल्या आणि मळवली येथील रस्ता क्रॉसिंगमुळे रखडलेली पाईपलाईन पूर्ण करण्यासाठी सार्वजनिक बांधकाम विभागाची परवानगी मिळण्याबाबत संबंधितांना सूचना देण्यात आल्या.
खडकाळे पाणी पुरवठा योजनेचे काम येत्या आठ दिवसात सुरु करून कामास गती देण्यात यावी, तसेच ग्रामपंचायतीच्या थकीत वीजबिलाबाबत एम.एस.ई.बी. विभागाच्या अधिकाऱ्यांशी चर्चा करून मार्ग काढण्याबाबत सूचना अधिकाऱ्यांना दिल्या. तसेच वराळे पाणी पुरवठा योजनेतील सौर पॅनेलसाठी जागा उपलब्धततेचा प्रस्ताव सादर करण्यात येऊन उर्वरित वितरण व्यवस्थेचे काम तात्काळ पूर्ण करण्याबाबत संबंधित ठेकेदारास सूचना दिल्या आहे.
यावेळी, सर्व कामे तात्काळ पूर्ण करण्यात येऊन काम पूर्ण झाल्यानंतर अधिकाऱ्यांसह मी स्वतः प्रत्यक्ष भेट देऊन कामाचा दर्जा तपासणार असल्याने ठेकेदारांनी प्रामाणिकपणे काम पूर्ण करून घेण्याबाबत सूचना आमदार सुनील शेळके यांनी केल्या.
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअ‍ॅप चॅनेलवर )
अधिक वाचा –
– तुमच्या जिल्ह्याचे पालकमंत्री कोण? पाहा संपूर्ण यादी – महाराष्ट्रातील सर्व जिल्ह्यांचे पालकमंत्री
– ‘एमएसआयडीसी’कडून तळेगाव-चाकण-शिक्रापूर महामार्गाच्या कामाचा मसुदा सादर, आता निर्णय मुख्यमंत्र्यांच्या कोर्टात
– मावळच्या विकासासाठी कटिबद्ध, जास्तीत जास्त निधी उपलब्ध करून देणार – खासदार श्रीरंग बारणे
