Dainik Maval News : जगद्गुरु संत श्री तुकाराम महाराज यांचे अकरावे वंशज हभप वैकुंठवासी शिरीष महाराज मोरे यांचे काही दिवसांपूर्वी आकस्मिक निधन झाले. त्यांना लोहगड किल्ल्यावरील शिवस्मारकावर दीपवंदना करून श्रद्धांजली अर्पण करण्यात आली.
लोहगड येथे लोहगड विसापूर विकास मंच तसेच लोहगड – घेरेवाडी व पंचक्रोशीतील ग्रामस्थांच्या वतीने शोकसभेचे आयोजन करण्यात आले होते. याप्रसंगी शिरीष महाराजांचे कार्य व आठवणींना उजाळा देऊन भावपूर्ण श्रद्धांजली अर्पण करण्यात आली.
शिवशंभू विचार मंचाचे महाराष्ट्र राज्य संयोजक सुधीरराव थोरात यांनी सांगितले की, छत्रपती शिवाजी महाराजांचा खरा इतिहास सर्वांपर्यंत पोहोचवण्यासाठी शिरीष महाराज यांनी महाराष्ट्रभर हजारो किलोमीटरचा प्रवास न थकता न थांबता त्यांनी केला.
हभप शिवाजी महाराज मोरे इनामदार यांनी शिरीष महाराजांच्या काही अज्ञात गुणांचा परिचय करून दिला. ते म्हणाले की, त्यांना लाभलेल्या अत्यल्प आयुष्यात संतांचे विचार व आचार समाजात पोहोचवण्यासाठी फार मोठे कार्य उभे केले.
हभप पुरुषोत्तम महाराज मोरे यांच्या वतीने पुष्पहार अर्पण करण्यात आला. शिरीष महाराजांच्या आत्म्यास चिरशांती लाभावी यासाठी पसायदानाने शोकसभेची सांगता झाली. शिरीष महाराज मोरे यांचे ५ फेब्रुवारी रोजी आकस्मित निधन झाल्याने त्यांच्या सहकाऱ्यांवर शोककळा पसरली आहे.
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
अधिक वाचा –
– सरकारची लाडक्या बहिणींवरील माया आटली ! ‘या’ महिलांची नावे वगळणार, दरवर्षी करावी लागणार ई-केवायसी । Ladki Bahin Yojana
– वडगावकरांचा लाडका शिवम, दीक्षा समारंभानंतर बनले ‘महक ऋषी’ ; दीक्षा समारंभासाठी भक्तीचा महापूर । Maval News
– खळबळजनक ! गावच्या यात्रेत झालेल्या वादातून चार जणांचा एकावर प्राणघातक हल्ला, मावळ तालुक्यातील घटना । Maval Crime
