Dainik Maval News : हिंदवी स्वराज्याचे संस्थापक, महापुरुष छत्रपती शिवाजी महाराज यांची 395 वी जयंती बुधवारी (दि.19 फेब्रुवारी) पवन मावळ भागातील जवण गावात विविध उपक्रमाद्वारे अत्यंत उत्साहात साजरी करण्यात आली.
जवण क्रमांक २ व जवण क्रमांक ३ येथील मंडळांच्या वतीने शिवजन्मोत्सव सोहळ्यानिमित्त विविध उपक्रमांचे आयोजन करण्यात आले होते. सर्वप्रथम गावातील शिवभक्तांनी किल्ले कोराईगड येथील शिवज्योत शिवदौड घेत गावात आणली. त्यानंतर शिवज्योत व शिवप्रतिमेचे पूजन करून सामुहिक महाआरती संपन्न झाली. यानंतर मंडळाच्या वतीने वृक्षारोपण करीत पर्यावरण संवर्धनाचा संदेश देण्यात आला.
सायंकाळच्या सत्रात शिवप्रतिमेची सजविलेल्या पालखीतून भव्य मिरवणूक काढण्यात आली. त्यानंतर मिरवणूकीची सांगता झाल्यावर सामुहिक हरिजागर झाला. यानंतर प्रसिद्ध कीर्तनकार डॉ. हभप हरिदास महाराज पालवे – शास्त्री (आळंदी) यांचे सुश्राव्य असे कीर्तन झाले. यानंतर शिवभक्तांना महाप्रसादाचे वाटप करण्यात आले. रात्री गणेश महाराज बोडके (रिहे) यांच्या एकनाथी भारूड कार्यक्रमाचे आयोजन करण्यात आले होते. पंचक्रोशीतील भाविक, नागरिक मोठ्या संख्येने कार्यक्रमाला उपस्थित होते.
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
अधिक वाचा –
– देहू नगरपंचायतीचा 97 कोटी 99 लाखाचा अर्थसंकल्प सादर, विशेष सभेत अर्थसंकल्प मंजूर । Dehu News
– तळेगाव-चाकण महामार्गाच्या कामाला मंत्रिमंडळाची मंजुरी मिळावी ; कृती समितीचे मुख्यमंत्र्यांना निवेदन । Maval News
– मोठी बातमी ! ‘पीएमआरडीए’चा मोठा निर्णय, आता नऊ तालुक्यांत होणार PMRDA चे कार्यालय, मावळचाही समावेश
