Dainik Maval News : देहू नगरपंचायत प्रशासनाने धडक कारवाई करीत 20 पाणीपट्टी थकबाकीदारांचे नळजोड तोडले असून 15 जणांकडून सात लाख रुपयांची वसुली केली आहे. नगर पंचायतीचे पाणी विभागाचे प्रमुख ज्ञानेश्वर शिंदे यांनी ही माहिती दिली.
देहू नगर पंचायत हद्दीत 3 हजार 876 अधिकृत नळजोडधारक असून अनेक अवैध नळजोड आहेत. नळजोड धारकांकडे 3 कोटी 60 लाख रुपये पाणी आकार थकबाकीतील फक्त 60 लाख रुपयांची वसुली झाली आहे. शासनाच्या आदेशान्वये थकीत कर वसुली मोहिमेअंतर्गत मुख्याधिकारी निवेदिता घार्गे यांच्या मार्गदर्शनाखाली सोमवारी (दि.24) धडक कारवाई करण्यात आली.
- सदर कारवाईमध्ये 15 थकबाकीदारांकडून सुमारे 7 लाख रुपये वसूल करण्यात आले. तर चैतन्य पार्क व निसर्ग सोसायटीत कारवाई करीत 20 जणांचे नळजोड तोडण्यात आले. नगर परिषदेकडून प्रतिदिन ही कारवाई करण्यात येणार आहे.
कारवाईद्वारे अवैध नळजोड तपासणी आणि मालमत्ता व पाणी आकार थकबाकीदारांकडून कर वसुली करण्यात येणार आहे. तसेच एक मार्चपासून थकबाकीदारांच्या घरासमोर ढोल वाजवून वसुली करण्यात येणार आहे, असे अधिकाऱ्यांनी सांगितले.
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअ‍ॅप चॅनेलवर )
अधिक वाचा –
– प्रधानमंत्री आवास योजना – ग्रामीण टप्पा 2 अंतर्गत मावळ तालुक्यातील 1,602 लाभार्थींना मंजुरीपत्र वाटप । Maval News
– मोठी बातमी : लोणावळ्यात द्रुतगती मार्गाच्या पुलाखाली उभारण्यात आलेल्या अनधिकृत झोपड्यांवर प्रशासनाची धडक कारवाई । Lonavala
– दहावीच्या विद्यार्थ्यांना आमदार शेळकेंकडून खास पद्धतीने ‘ऑल दी बेस्ट’ ; संपूर्ण तालुक्यातील विद्यार्थ्यांसाठी मोफत बससेवा
