Dainik Maval News : जुन्या पुणे-मुंबई महामार्गावर तळेगाव दाभाडे येथील पेट्रोल पंपासमोर असलेल्या एका टायरच्या दुकानाला भरधाव कारने धडक दिली. या धडकेत दुकानात झोपलेल्या दुकानदाराचा मृत्यू झाला. हा अपघात रविवारी (दि.23) रात्री घडला आहे.
मोहम्मद सलाउद्दीन (वय 36, रा. तळेगाव दाभाडे) असे अपघातात मृत्यू झालेल्या दुकानदाराचे नाव आहे. याप्रकरणी मोहम्मद यांचे नातेवाईक महम्मद नाझीर अन्सारी (वय 27, रा. तळेगाव दाभाडे) यांनी सोमवारी (दि.24) तळेगाव दाभाडे पोलीस ठाण्यात फिर्याद दिली आहे. त्यानुसार (एमएच 04 ईक्यू 9981) या कार चालकाच्या विरोधात गुन्हा दाखल करण्यात आला आहे.
पोलिसांनी दिलेल्या माहितीनुसार, फिर्यादी अन्सारी यांच्या नातेवाईक मोहम्मद सलाउद्दीन यांचे जुना पुणे-मुंबई महार्गावरील काळोखे पेट्रोल पंपासमोर टायरचे दुकान आहे. ते रविवारी रात्री त्यांच्या दुकानात झोपले होते. रात्री पावणे बारा वाजताच्या सुमारास एक होंडा सिटी कार भरधाव वेगात आली. कारने टायरच्या दुकानात जोरात धडक दिली. यामध्ये मोहम्मद सलाउद्दीन यांचा मृत्यू झाला. तळेगाव दाभाडे पोलीस याबाबत अधिक तपास करीत आहेत.
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
अधिक वाचा –
– प्रधानमंत्री आवास योजना – ग्रामीण टप्पा 2 अंतर्गत मावळ तालुक्यातील 1,602 लाभार्थींना मंजुरीपत्र वाटप । Maval News
– मोठी बातमी : लोणावळ्यात द्रुतगती मार्गाच्या पुलाखाली उभारण्यात आलेल्या अनधिकृत झोपड्यांवर प्रशासनाची धडक कारवाई । Lonavala
– दहावीच्या विद्यार्थ्यांना आमदार शेळकेंकडून खास पद्धतीने ‘ऑल दी बेस्ट’ ; संपूर्ण तालुक्यातील विद्यार्थ्यांसाठी मोफत बससेवा

